കൊച്ചി: സാമ്പത്തിക വർഷത്തിന്റെ ആദ്യ പാദത്തിൽ ഫെഡറൽ ബാങ്കിന് 1,135 കോടി രൂപയുടെ പ്രവർത്തന ലാഭം. ബാങ്കിന്റെ എക്കാലത്തെയും ഉയർന്ന പ്രവർത്തന ലാഭമാണിത്. മുൻ വർഷം ഇതേ പാദത്തിൽ 932 കോടി രൂപയായിരുന്നു പ്രവർത്തന ലാഭം.
22 ശതമാനത്തിന്റെ വർധനയാണ് ഇതിൽ ഉണ്ടായിരിക്കുന്നത്. അതേസമയം നിഷ്‌ക്രിയ ആസ്‌തി നേരിടാനുള്ള നീക്കിയിരിപ്പ് കൂടിയതിനാൽ അറ്റാദായം 8.4 ശതമാനം കുറഞ്ഞ് 367 കോടി രൂപയായി.
മുൻവർഷം ഇത് ഇതേ പാദത്തിൽ 400 കോടിയായിരുന്നു അറ്റാദായം. മൊത്തം വരുമാനം 4005 കോടിയായി ഉയർന്നു. മൊത്തം കിട്ടാക്കടം വായ്‌പകളുടെ 3.50 ശതമാനമാണ്. ഏപ്രിൽ-ജൂൺ പാദത്തിലെ കിട്ടാക്കടം 1.23 ശതമാനമാണ്. ഇതിനായുള്ള നീക്കിയിരിപ്പ് 641 കോടിയും. മൊത്തം ബിസിനസ് 2,99,158 കോടി രൂപയിലെത്തി; 8.30 ശതമാനത്തിന്റെ വളർച്ചയാണ് ഇതിൽ ഉണ്ടായത്.
Read Also: ഒളിമ്പിക്‌സിൽ മെഡൽ വേട്ട തുടങ്ങി ഇന്ത്യ; ഭാരോദ്വഹനത്തിൽ മീരാഭായ് ചാനുവിന് വെള്ളി
