മുൽട്ടാൻ: പാകിസ്ഥാനിൽ ഒരു കുടുംബത്തിലെ അഞ്ചുപേരെ ദുരൂഹ സാഹചര്യത്തിൽ വെട്ടേറ്റ് മരിച്ച നിലയിൽ കണ്ടെത്തി. കഴുത്തിലാണ് വെട്ടേറ്റത്. വെള്ളിയാഴ്ചയാണ് സംഭവം. റഹീംയർ ഖാൻ നഗരത്തിൽ നിന്ന് 15 കിലോമീറ്റർ മാറി അബുദാബി കോളനിയിൽ താമസിക്കുന്ന ഹിന്ദു കുടുംബത്തിലെ 5 പേരാണ് കൊല്ലപ്പെട്ടത്.
കത്തിയും കോടാലിയും ഉൾപ്പടെ കൊലക്ക് ഉപയോഗിച്ച ആയുധങ്ങൾ വീട്ടിൽ നിന്നും കണ്ടെടുത്തിട്ടുണ്ട്. മരിച്ചവരിൽ ഒരാൾ പരിസരത്ത് ടൈലറിങ് ഷോപ്പ് നടത്തി വരുന്ന, മേഘ്വാൾ ഹിന്ദു വിഭാഗത്തിൽപ്പെട്ട രാംചന്ദാണെന്ന് (35)റഹീംയർ ഖാൻ കോളനിയിലെ സാമൂഹ്യപ്രവർത്തകനായ ബീർബൽ ദാസ് പറഞ്ഞു.
Read also: കർഷക ആത്മഹത്യയിൽ വീണ്ടും നടുങ്ങി രാജ്യം