തിരുവനന്തപുരം: കാസര്ഗോഡ് ഷവര്മ കഴിച്ച് ഭക്ഷ്യ വിഷബാധയേറ്റ് വിദ്യാർഥിനി മരണമടയുകയും നിരവധിപേര്ക്ക് അസുഖം ബാധിച്ചതുമായ സംഭവത്തില് അന്വേഷിച്ച് റിപ്പോർട് നല്കാന് ആരോഗ്യ വകുപ്പ് മന്ത്രി വീണാ ജോര്ജ് ഭക്ഷ്യസുരക്ഷാ കമ്മീഷണര്ക്ക് നിര്ദേശം നല്കി. ഭക്ഷ്യ വിഷബാധയേറ്റവര്ക്ക് വിദഗ്ധ ചികിൽസ ഉറപ്പാക്കാന് ജില്ലാ മെഡിക്കല് ഓഫിസർക്ക് നിർദ്ദേശം നല്കിയിട്ടുണ്ട്. അവധി ദിവസമാണെങ്കിലും മതിയായ ക്രമീകരണങ്ങളൊരുക്കാനും നിർദ്ദേശം നല്കി. അന്വേഷണത്തിന്റെ അടിസ്ഥാനത്തില് സ്ഥാപനത്തിനെതിരെ കര്ശന നടപടി സ്വീകരിക്കുമെന്ന് മന്ത്രി വ്യക്തമാക്കി.
കാസർഗോഡ് ചെറുവത്തൂർ ഐഡിയൽ കൂൾബാറിൽ നിന്ന് ഷവർമ കഴിച്ചവർക്കാണ് ഭക്ഷ്യവിഷബാധയേറ്റത്. വയറിളക്കത്തെ തുടർന്ന് ഇന്നലെയാണ് നാല് പേർ ആശുപത്രിയിൽ ചികിൽസ തേടിയത്. ഇന്ന് രാവിലെ മൂന്ന് പേർ കൂടി പനിയും വയറിളക്കവുമായി ആശുപത്രിയിൽ എത്തി. തുടർന്ന് ഇതേകാരണം പറഞ്ഞ് നിരവധി പേർ ആശുപത്രിയിൽ എത്തുകയായിരുരുന്നു. തുടർന്ന് ആരോഗ്യവിഭാഗം നടത്തിയ പരിശോധനയിലാണ് ഷവർമ കഴിച്ചവർക്കാണ് ശാരീരിക പ്രശ്നങ്ങൾ ഉണ്ടായതെന്ന് കണ്ടെത്തിയത്
Most Read: വിദ്യാർഥികളെ ലക്ഷ്യമിട്ട് ഓൺലൈൻ വായ്പാ തട്ടിപ്പ്; ജാഗ്രത