ന്യൂഡെല്‍ഹി: മുന്‍ ചീഫ് ജസ്‌റ്റിസ് രജ്‌ഞന്‍ ഗൊഗോയിക്ക് കേന്ദ്രസര്‍ക്കാര്‍ ‘ഇസഡ് പ്ളസ്’ സുരക്ഷ അനുവദിച്ചു. രാജ്യസഭാംഗമായ ഗൊഗോയിക്ക് ഇനി മുതല്‍ സിആര്‍പിഎഫ് ഉദ്യോഗസ്‌ഥരുടെ ഇസഡ് പ്ളസ് സുരക്ഷയാണ് ലഭിക്കുക. നേരത്തെ ഡെല്‍ഹി പോലീസിന്റെ സുരക്ഷയാണ് ഉണ്ടായിരുന്നത്.
8 മുതൽ 12 വരെ സിആര്‍പിഎഫ് കമാന്‍ഡോകളുടെ സുരക്ഷ ഇനിമുതല്‍ രജ്‌ഞന്‍ ഗൊഗോയിക്ക് യാത്രയിലുടനീളം ലഭിക്കും. അദ്ദേഹത്തിന്റെ വീടിനും സുരക്ഷ ഉണ്ടായിരിക്കും. രാജ്യത്ത് ഇസഡ് പ്ളസ് സുരക്ഷ ലഭിക്കുന്ന 63ആം മത്തെ വ്യക്‌തിയാണ്‌ ഗൊഗോയ്.
കഴിഞ്ഞ നവംബര്‍ 29നാണ് രജ്‌ഞന്‍ ഗൊഗോയ് വിരമിച്ചത്. അയോധ്യ കേസില്‍, തര്‍ക്ക ഭൂമി രാമക്ഷേത്രം നിര്‍മിക്കാന്‍ വിട്ടുകൊടുക്കാൻ വിധി പ്രഖ്യാപിച്ച ശേഷമാണ് ഗൊഗോയ് വിരമിച്ചത്. തുടര്‍ന്ന് മോദി സര്‍ക്കാര്‍ രാജ്യസഭയിലേക്ക് ഗൊഗോയിയെ നാമനിര്‍ദേശം ചെയ്യുകയായിരുന്നു.
Read Also: 11ആം വട്ട ചർച്ചയും പരാജയം; നിയമങ്ങളിൽ അപാകതയില്ലെന്ന് ഉറപ്പിച്ച് കേന്ദ്രം
