അബുദാബി : മാർച്ച് മാസത്തേക്കുള്ള ഇന്ധനവില പ്രഖ്യാപിച്ച് യുഎഇ. ഫ്യുവൽ പ്രൈസ് കമ്മിറ്റിയാണ് ഇന്ധനവില പ്രഖ്യാപിച്ചത്. നിലവിൽ ആഗോളതലത്തിലെ എണ്ണവിലയെ അടിസ്ഥാനപ്പെടുത്തിയാണ് പെട്രോൾ, ഡീസൽ വിലകൾ നിശ്ചയിച്ചത്. അതിനാൽ തന്നെ പെട്രോളിനും ഡീസലിനും വില വർധിപ്പിച്ചിട്ടുണ്ട്. 5 ശതമാനം മൂല്യവർധിത നികുതി ഉൾപ്പടെയാണ് ഇപ്പോൾ വില വർധിപ്പിച്ചിരിക്കുന്നത്.
മാർച്ച് മാസത്തോടെ സൂപ്പർ 98 പെട്രോളിന് 2.12 ദിർഹമായി വില ഉയരും. ഫെബ്രുവരിയിൽ ഇതിന് 1.91 ദിർഹമായിരുന്നു വില. കൂടാതെ സ്പെഷ്യൽ 95 പെട്രോളിന് 1.80 ദിർഹത്തിൽ നിന്നും 2.01 ദിർഹമായി ഉയരും. ഒപ്പം തന്നെ രാജ്യത്ത് ഡീസൽ വിലയും വർധിപ്പിച്ചിട്ടുണ്ട്. ഫെബ്രുവരിയിൽ 2.01 ദിർഹമായിരുന്ന ഡീസൽ വില മാർച്ചിൽ 2.15 ദിർഹം ആയിരിക്കും.
Read also : സൗദിയിലുണ്ടായ വാഹനാപകടത്തിൽ രണ്ട് മലയാളി നഴ്സുമാര് മരിച്ചു