പാലക്കാട്: ജില്ലയിൽ വൻ കഞ്ചാവ് വേട്ട. പശ്‌ചിമ ബംഗാളിൽ നിന്നും ജില്ലയിലേക്ക് ബസിൽ കടത്താൻ ശ്രമിക്കുമ്പോഴാണ് കഞ്ചാവ് പിടികൂടിയത്. തുടർന്ന് ബസ് ഡ്രൈവർ എറണാകുളം സ്വദേശി സജ്‌ഞയിനെ പോലീസ് കസ്‌റ്റഡിയിലെടുത്തു.
6 ചാക്ക് കഞ്ചാവാണ് ബസിൽ കടത്താൻ ശ്രമിച്ചത്. തുടർന്ന് ബസിൽ കടത്തിയ കഞ്ചാവ് കൊണ്ടുപോകാനായി കാറിൽ എത്തിയ 4 എറണാകുളം സ്വദേശികളെയും പോലീസ് പിടികൂടി. വിശാഖപട്ടണത്ത് നിന്നാണ് കഞ്ചാവ് കയറ്റിയതെന്നാണ് പോലീസിന്റെ നിഗമനം.
അണക്കപ്പാറ ചെക്ക്പോസ്‌റ്റിൽ കള്ള് റെയ്‌ഡ്‌ നടത്തിയ സംഘമാണ് പരിശോധന നടത്തിയത്. തുടർന്നാണ് കഞ്ചാവ് കടത്ത് സംഘത്തെ പിടികൂടിയത്. എറണാകുളം സ്വദേശിയായ സലാം എന്നയാള്‍ക്ക് വേണ്ടിയാണ് കഞ്ചാവ് എത്തിച്ചതെന്ന നിഗമനത്തിലാണ് എക്‌സൈസ്‌.
Read also: കോവിഡ് വ്യാപനം; ജില്ലയിൽ രൂക്ഷമായ സ്‌ഥലങ്ങളിൽ ഒരാഴ്‌ച ലോക്ക്ഡൗൺ
