കൊച്ചി: സംസ്ഥാനത്ത് സ്വർണവില വീണ്ടും കൂടി. വെള്ളിയാഴ്ച സ്വർണം പവന് 240 രൂപകൂടി 35,200 രൂപയിലെത്തി. 4,400 രൂപയാണ് ഗ്രാമിന്റെ വില. ഇതോടെ ഏപ്രിൽ മാസം മാത്രം സ്വർണ വിലയിൽ 1,880 രൂപയുടെ വർധനയാണ് ഉണ്ടായത്.
ആഗോള വിപണിയിൽ സ്പോട് ഗോൾഡ് വില ഔൺസിന് 1,763.46 ഡോളർ നിലവാരത്തിലെത്തി. രാജ്യത്തെ കമ്മോഡിറ്റി വിപണിയായ എംസിഎക്സിൽ 10 ഗ്രാം 24 കാരറ്റ് സ്വർണ വിലയിൽ കഴിഞ്ഞ ദിവസത്തെ നേട്ടത്തിനു ശേഷം നേരിയ ഇടിവ് രേഖപ്പെടുത്തി. 0.12 ശതമാനം ഇടിഞ്ഞ് 47,120 രൂപയിലാണ് വ്യാപാരം നടക്കുന്നത്.
വ്യാഴാഴ്ച സ്വർണം പവന് 240 രൂപ കൂടി 34,960 രൂപയായിരുന്നു. ചൊവ്വാഴ്ചയുണ്ടായ ഇടിവിന് ശേഷമാണ് ഇന്നലെയും ഇന്നുമായി സ്വർണവിലയിൽ മുന്നേറ്റം ഉണ്ടാകുന്നത്.
Also Read: ആശങ്ക ഒഴിയുന്നില്ല; രാജ്യത്ത് 2.17 ലക്ഷത്തിലധികം പുതിയ കേസുകൾ, 1,185 മരണം