തിരുവനന്തപുരം: സ്വർണക്കടത്ത് കേസുമായി ബന്ധപ്പെട്ട് തിരുവനന്തപുരം സ്വദേശിയായ അഭിഭാഷകയെ കസ്റ്റംസ് ഇന്ന് ചോദ്യം ചെയ്യും. കൊച്ചിയിലെ കസ്റ്റംസ് ആസ്ഥാനത്ത് വെച്ചാണ് ചോദ്യം ചെയ്യൽ. കരമന സ്വദേശി അഡ്വ. ദിവ്യയെയാണ് കസ്റ്റംസ് ചോദ്യം ചെയ്യലിനായി വിളിപ്പിച്ചിരിക്കുന്നത്.
സ്വപ്നയും സരിത്തുമായി ദിവ്യ ഫോണിൽ ബന്ധപ്പെട്ടതിന്റെ വിവരങ്ങൾ കസ്റ്റംസ് നേരത്തെ ശേഖരിച്ചിരുന്നു. തുടർച്ചയായി ഫോണിൽ ബന്ധപ്പെട്ടതിന്റെയും മറ്റു സാഹചര്യ തെളിവുകളുടെയും അടിസ്ഥാനത്തിലാണ് ചോദ്യം ചെയ്യാൻ വിളിപ്പിച്ചിരിക്കുന്നത്. തിങ്കളാഴ്ച രാവിലെയാണ് ദിവ്യയോട് ഹാജരാകാൻ നിർദേശിച്ചിരിക്കുന്നത്. മൊബൈൽ ഫോണും പാസ്പോർട്ടും ബാങ്ക് വിവരങ്ങളും ഹാജരാക്കാനും കസ്റ്റംസ് നിർദേശിച്ചിട്ടുണ്ട്.
Read also: ശശീന്ദ്രനെതിരെ എൻസിപിയിൽ പടയൊരുക്കം; നേതാക്കൾ ഡെൽഹിയിലേക്ക്