മലപ്പുറം : ജില്ലയിൽ കരിപ്പൂർ വിമാനത്താവളത്തിലൂടെ കടത്താൻ ശ്രമിച്ച 1 കോടി രൂപയുടെ സ്വർണം പിടികൂടി. 1.917 കിലോഗ്രാം സ്വർണമാണ് 2 യാത്രക്കാർ ചേർന്ന് ശരീരത്തിൽ ഒളിപ്പിച്ച നിലയിൽ കടത്താൻ ശ്രമിച്ചത്. ഇവരെ കസ്റ്റംസ് പ്രിവന്റീവ് സംഘം പിടികൂടി.
ഷാർജയിൽനിന്ന് ഇന്നലെ പുലർച്ചെ കരിപ്പൂരിലെത്തിയ കാഞ്ഞങ്ങാട് സ്വദേശി ജംഷീദിൽനിന്ന് 1.056 കിലോഗ്രാം, വടകര കക്കട്ടിൽ സ്വദേശി അബ്‌ദുൽ നജീബിൽനിന്ന് 861 ഗ്രാം എന്നിവയാണ് കസ്റ്റംസ് കണ്ടെടുത്തത്. കസ്റ്റംസ് പ്രിവന്റീവ് ഡിവിഷൻ അസിസ്‌റ്റന്റ് കമ്മീഷണർ കെവി രാജന്റെ നിർദേശപ്രകാരം സൂപ്രണ്ടുമാരായ സി ബാബു, കെകെ പ്രവീൺകുമാർ, സന്തോഷ് ജോൺ, ഇൻസ്‌പെക്‌ടർമാരായ എം പ്രതീഷ്, ഇ മുഹമ്മദ് ഫൈസൽ, ഹെഡ് ഹവിൽദാർ ഇവി മോഹനൻ എന്നിവരാണ് സ്വർണം പിടികൂടിയ സംഘത്തിൽ ഉണ്ടായിരുന്നത്.
Read also : കോവിഡ് ബാധിച്ച് മരിച്ചവരുടെ സംസ്‌കാര ചടങ്ങുകൾ നടത്താൻ ഡീൻ കുര്യാക്കോസ് എംപി
