കോഴിക്കോട് : 1.86 കോടി രൂപ വിലമതിക്കുന്ന സ്വർണം കടത്താൻ ശ്രമിച്ച 3 യാത്രക്കാരെ കോഴിക്കോട് വിമാനത്താവളത്തിൽ പിടികൂടി. ദുബായിൽ നിന്നും കോഴിക്കോട് എത്തിയതാണ് മൂന്ന് പേരും. തുടർന്ന് 1.26 കോടി രൂപയുടെ സ്വർണം കടത്താൻ ശ്രമിച്ച വടകര സ്വദേശി അബ്‌ദുൽ ഷരീഫിനെ അറസ്‌റ്റ് ചെയ്‌തു. എയർ കസ്റ്റംസ്, ഡിആർഐ, പ്രിവന്റീവ് കസ്റ്റംസ് എന്നീ വിഭാഗങ്ങൾ ചേർന്ന് നടത്തിയ തിരച്ചിലിലാണ് സ്വർണം പിടികൂടിയത്.
അറസ്‌റ്റ് ചെയ്‌ത പ്രതിയെ നിലവിൽ കോടതിയിൽ ഹാജരാക്കിയ ശേഷം റിമാൻഡ് ചെയ്‌തു. ഒരു കോടി രൂപക്ക് മുകളിലുള്ള സ്വർണക്കടത്തിന് പിടിയിലായാൽ കോടതി നടപടികൾക്ക് ഹാജരാക്കേണ്ടതുണ്ട്. ഇയാളിൽ നിന്ന് മാത്രമായി 3.06 കിലോഗ്രാം സ്വർണമാണ് അധികൃതർ പിടികൂടിയത്.
ജോയിന്റ് കമ്മീഷണർ വാഗിഷ് കുമാർ സിംഗ്, സൂപ്രണ്ടുമാരായ കെപി മനോജ്, എം ഉമാദേവി, ഗഗൻദീപ് രാജ്, ഇൻസ്‌പെക്‌ടർമാരായ ടിഎസ് അഭിലാഷ്, സുമിത് നെഹ്റ, ഹെഡ് ഹവിൽദാർമാരായ പി മനോഹരൻ, കെസി മാത്യു എന്നിവരുടെ നേതൃത്വത്തിലാണ് വിമാനത്താവളത്തിൽ സ്വർണവേട്ട നടത്തിയത്.
Read also : സൗമ്യയ്‌ക്ക് ഇസ്രയേൽ ആദരസൂചകമായി പൗരത്വം നൽകും
