ഗാന്ധിനഗര്‍: ഗുജറാത്തില്‍ എട്ട് നിയമസഭ സീറ്റുകളിലേക്ക് നടന്ന ഉപതെരഞ്ഞെടുപ്പിന്റെ ഫലം പുറത്ത് വരുമ്പോള്‍ മുന്നിട്ട് നിന്ന് ബിജെപി. ഫലം പുറത്ത് വരുന്ന ഏഴ് സീറ്റുകളിലും ബിജെപിയാണ് മുന്നില്‍. ഒരു സീറ്റില്‍ പോലും കോണ്‍ഗ്രസിന് മുന്നേറ്റം നടത്താൻ സാധിച്ചിട്ടില്ല.
കോണ്‍ഗ്രസിന്റെ എട്ട് എംഎല്‍എമാര്‍ രാജ്യസഭ തെരഞ്ഞെടുപ്പിന് മുമ്പ് രാജിവെച്ചതിനെ തുടര്‍ന്നാണ് ഉപതെരഞ്ഞെടുപ്പ്. മാത്രവുമല്ല എംഎല്‍എമാര്‍ രാജിവെച്ചതിനെ തുടര്‍ന്ന് ബിജെപിക്ക് മൂന്ന് പേരെ രാജ്യസഭയിലെത്തിക്കാനും കഴിഞ്ഞു.
അതേസമയം ബിഹാര്‍ നിയമസഭ തെരഞ്ഞെടുപ്പില്‍ വോട്ടെണ്ണല്‍ രണ്ട് മണിക്കൂര്‍ പിന്നിടുമ്പോള്‍ ലീഡ് നില മാറിമറിയുന്നു. നിലവില്‍ എന്‍ഡിഎ മൂന്ന് സീറ്റുകള്‍ക്ക് മുന്നിട്ട് നില്‍ക്കുകയാണ്. ബിജെപിയാണ് എന്‍ഡിഎ മുന്നണിയില്‍ കൂടുതല്‍ സീറ്റുകളില്‍ മുന്നിട്ട് നില്‍ക്കുന്നത്.
Read Also: മധ്യപ്രദേശ് ഉപതിരഞ്ഞെടുപ്പ്; വോട്ടെണ്ണൽ ആരംഭിച്ചു, ബിജെപിക്ക് ലീഡ്
