ന്യൂഡെൽഹി: ഗുജറാത്തിലെ ഗാന്ധിനഗർ മുൻസിപ്പൽ കോർപറേഷൻ തിരഞ്ഞെടുപ്പിൽ വൻ വിജയം നേടി ബിജെപി. ആകെയുള്ള 44 സീറ്റുകളിൽ 41ലും ബിജെപി ഭരണമുറപ്പിച്ചു. കോൺഗ്രസിന് രണ്ടും ആം ആദ്മി പാർട്ടിക്ക് ഒന്നും സീറ്റുകൾ മാത്രമേ നേടാനായുള്ളൂ.
സംസ്ഥാനത്തെ മുഖ്യമന്ത്രിമാരെയും മന്ത്രിമാരെയും മാറ്റിയതിന് ശേഷം നടന്ന ആദ്യ തിരഞ്ഞെടുപ്പിലാണ് ബിജെപി വിജയം നേടിയത്. പ്രധാനമന്ത്രി നരേന്ദ്രമോദിയിൽ ഗുജറാത്തിലെ ജനങ്ങൾക്ക് പൂർണ വിശ്വാസം ഉണ്ടെന്നതിന്റെ തെളിവാണ് തിരഞ്ഞെടുപ്പ് ഫലമെന്ന് സംസ്ഥാന ബിജെപി അധ്യക്ഷൻ സിആർ പാട്ടീൽ പ്രതികരിച്ചു.
തിരഞ്ഞെടുപ്പ് വിജയത്തിൽ പ്രധാനമന്ത്രി മോദിയും നന്ദി അറിയിച്ചു. ഗുജറാത്തിലെ ജനങ്ങളും ബിജെപിയും തമ്മിലുള്ള വേരുകളുടെ ആഴം വ്യക്തമാക്കുന്നതാണ് ഈ വിജയമെന്നാണ് പ്രധാനമന്ത്രി പ്രസ്താവിച്ചത്.
Also Read: ചിക്കൻലോബിയെ പിടിച്ചുകെട്ടി വില നിയന്ത്രിക്കണം; ഏകോപന സമിതി