ഗാന്ധിനഗർ: ഗുജറാത്തിലെ ദ്വാരകയിൽ പ്രേതബാധയുണ്ടെന്ന് ആരോപിച്ച് 25കാരിയെ തല്ലിക്കൊന്നു. മന്ത്രവാദിയും ബന്ധുക്കളും ചേർന്നാണ് യുവതിയെ കൊലപ്പെടുത്തിയത്. മിഥാപൂര് താലൂക്കിലെ ആരംഭദ ഗ്രാമത്തില് താമസിക്കുന്ന റമീല സോളങ്കി എന്ന യുവതിയെയാണ് ചുട്ടുപഴുപ്പിച്ച ഇരുമ്പ് ചങ്ങല ഉപയോഗിച്ച് അടിച്ചുകൊന്നത്.
ബുധനാഴ്ച നവരാത്രി ആഘോഷത്തിനായി ഓഖമാധി ഗ്രാമത്തില് എത്തിയ യുവതിക്ക് പെട്ടന്ന് വിറയല് വരികയായിരുന്നു. ഇത് ശ്രദ്ധയില്പ്പെട്ട മന്ത്രവാദി യുവതിയില് ബാധകയറിയെന്നും ദേവി കോപിച്ചതാണെന്നും ബന്ധുക്കളോട് പറഞ്ഞു. ബാധ ഒഴിപ്പിക്കന് യുവതിയെ അടിക്കണമെന്നും ഇല്ലെങ്കില് എല്ലാവരെയും കൊല്ലുമെന്നും മന്ത്രവാദി ബന്ധുക്കളോട് പറഞ്ഞു.
ഇതേതുടര്ന്ന് വിറക് കൊള്ളിക്കൊണ്ടും ചുട്ടുപഴുപ്പിച്ച ഇരുമ്പ് ചങ്ങലക്കൊണ്ടും ബന്ധുക്കൾ യുവതിയെ ക്രൂരമായി അടിക്കുകയും തുടർന്ന് ഇവർ കൊല്ലപ്പെടുകയുമായിരുന്നു. ഭര്ത്താവിന്റെ പരാതിയെ തുടർന്ന് മന്ത്രവാദിയും യുവതിയുടെ ബന്ധുക്കളും ഉൾപ്പടെ അഞ്ച് പേരെ അറസ്റ്റ് ചെയ്തതായി പോലീസ് പറഞ്ഞു.
Read also: ‘മോദിജിക്ക് അഭിനന്ദനങ്ങള്’; പട്ടിണി സൂചികയില് പിന്നിലായതിൽ പരിഹസിച്ച് കപില് സിബല്