തിരുവനന്തപുരം : കോവിഡ് വാക്‌സിന്‍ കേരളത്തില്‍ എപ്പോള്‍ എത്തുമെന്ന് കേന്ദ്രം ഇതുവരെ അറിയിച്ചിട്ടില്ലെന്ന് വ്യക്‌തമാക്കി സംസ്‌ഥാന ആരോഗ്യവകുപ്പ് മന്ത്രി കെകെ ശൈലജ. ജനുവരി 16ആം തീയതി മുതല്‍ രാജ്യത്ത് വാക്‌സിന്‍ വിതരണം ചെയ്‌ത് തുടങ്ങുമെന്ന് പ്രധാനമന്ത്രി നരേന്ദ്രമോദി വ്യക്‌തമാക്കിയിട്ടുണ്ടെങ്കിലും എന്ന് മുതലാണ് സംസ്‌ഥാനങ്ങള്‍ക്ക് വാക്‌സിന്‍ വിതരണം ചെയ്‌ത് തുടങ്ങുകയെന്ന് വ്യക്‌തമാക്കിയിട്ടില്ലെന്നും മന്ത്രിച്ചു പറഞ്ഞു.
ജനുവരി 11ആം തീയതി മുഖ്യമന്ത്രിമാരുമായി പ്രധാനമന്ത്രി കൂടിക്കാഴ്‌ച നടത്തിയതിന് ശേഷമാകും സംസ്‌ഥാനങ്ങള്‍ക്ക് വാക്‌സിന്‍ എന്ന് വിതരണം ചെയ്‌ത് തുടങ്ങുമെന്നതില്‍ ധാരണയുണ്ടാകുക. സംസ്‌ഥാനങ്ങള്‍ക്ക് വാക്‌സിന്‍ ലഭിച്ചാലുടന്‍ തന്നെ വിതരണം ചെയ്‌ത് തുടങ്ങുമെന്ന് മന്ത്രി വ്യക്‌തമാക്കി. കേരളത്തില്‍ അതിന് വേണ്ട എല്ലാ സജ്‌ജീകരണങ്ങളും പൂര്‍ത്തിയായതായും മന്ത്രി അറിയിച്ചു.
വാക്‌സിന്‍ വിതരണവുമായി ബന്ധപ്പെട്ട മാര്‍ഗനിര്‍ദേശങ്ങള്‍ ആരോഗ്യപ്രവര്‍ത്തകര്‍ക്കും, പൊതുജനങ്ങള്‍ക്കും ഒരുപോലെ ബാധകമാണ്. ഗര്‍ഭിണികള്‍ക്കും, മുലയൂട്ടുന്ന അമ്മമാര്‍ക്കും വാക്‌സിന്‍ നല്‍കില്ലെന്നത് പൊതു തീരുമാനമാണെന്നും മന്ത്രി കെകെ ശൈലജ വ്യക്‌തമാക്കി.
Read also : കടലില്‍ തകര്‍ന്നു വീണ ഇന്തോനേഷ്യന്‍ വിമാനത്തിന്റെ ബ്‌ളാക്ക്‌ ബോക്‌സ് കണ്ടെത്തി
