മസ്‌കറ്റ്: ഒമാനിലെ സുർ വിലായത്തിൽ ഒരാഴ്‌ച മുൻപുണ്ടായ കനത്ത മഴയിൽ കാണാതായ നാലാമത്തെ ആളുടെ മൃതദേഹവും കണ്ടെത്തി. ദിവസങ്ങളോളം നീണ്ട വ്യാപക തിരച്ചിലിനൊടുവിലാണ് ഇന്ന് മൃതദേഹം കണ്ടെത്തിയതെന്ന് സിവിൽ ഡിഫൻസ് ആൻഡ് ആംബുലൻസ് അതോറിറ്റി അറിയിച്ചു.
അത്യാധുനിക സംവിധാനങ്ങൾ ഉപയോഗിച്ച് തുടർച്ചയായ പത്ത് ദിവസം നടത്തിയ തിരച്ചിലിനൊടുവിലാണ് ദുരന്തത്തിനിരയായ നാല് പേരുടെയും മൃതദേഹങ്ങൾ കണ്ടെത്താനായതെന്ന് സിവിൽ ഡിഫൻസ് ആൻഡ് ആംബുലൻസ് അതോറിറ്റി പുറത്തിറക്കിയ പ്രസ്‌താവനയിൽ പറയുന്നു. സിവിൽ ഡിഫൻസിനൊപ്പം ദക്ഷിണ ശർഖിയ ഗവർണറേറ്റിലെ സ്‌പെഷ്യൽ ടാസ്‌ക്‌ പോലീസും തിരച്ചിലിനുണ്ടായിരുന്നു.
ജൂലൈ 16ന് ഒമാനിലെ വിവിധ സ്‌ഥലങ്ങളിൽ പെയ്‌ത ശക്‌തമായ മഴക്ക് പിന്നാലെ തെക്കൻ ശർഖിയ ഗവർണറേറ്റിൽ പലയിടങ്ങളിലും വെള്ളം കയറിയിരുന്നു. ഇതിനെ തുടർന്നുണ്ടായ നാശനഷ്‌ടങ്ങൾ പരിഹരിക്കാൻ സർക്കാർ- സ്വകാര്യ സ്‌ഥാപനങ്ങൾ ഇപ്പോഴും ശ്രമം നടത്തിവരികയാണ്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
