തിരുവനന്തപുരം: സംസ്ഥാനത്ത് തിങ്കളാഴ്ച വരെ ഒറ്റപ്പെട്ട കനത്ത മഴയ്ക്ക് സാധ്യതയെന്ന് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. ഒറ്റപ്പെട്ട പ്രദേശങ്ങളില് 24 മണിക്കൂറില് 11 സെന്റിമീറ്റര് വരെയുള്ള അതിശക്തമായ മഴയ്ക്കാണ് സാധ്യത.
മുന്നറിയിപ്പിനെ തുടർന്ന് തിങ്കളാഴ്ച വരെ ഇടുക്കി, മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ് ജില്ലകളില് യെല്ലോ അലര്ട് പ്രഖ്യാപിച്ചു.
അതേസമയം കേരള, കര്ണാടക തീരങ്ങളിലും ലക്ഷദ്വീപ് ഭാഗത്തും കാറ്റിന്റെ വേഗത ചില അവസരങ്ങളില് മണിക്കൂറില് 60 കിലോമീറ്റര് വരെ ആകാന് സാധ്യതയുള്ളതിനാല് മൽസ്യത്തൊഴിലാളികള് ചൊവ്വാഴ്ച വരെ ഈ ഭാഗങ്ങളിൽ മൽസ്യബന്ധത്തിന് പോകരുതെന്നും കാലാവസ്ഥാ നിരീക്ഷണ കേന്ദ്രം അറിയിച്ചു.
Read Also: മഹാരാഷ്ട്രയില് കനത്തമഴ തുടരും; മരിച്ചവരുടെ ബന്ധുക്കള്ക്ക് ധനസഹായം പ്രഖ്യാപിച്ചു