പയ്യന്നൂര്: ജില്ലയിലെ ഏഴു നിയോജക മണ്ഡലങ്ങളിലെ മുഴുവന് ബൂത്തുകളിലും തിരഞ്ഞെടുപ്പ് നടപടികൾ നിരീക്ഷിക്കാൻ വെബ് കാമറ സ്ഥാപിക്കാന് നിര്ദേശം. വിഷയത്തിൽ തിരഞ്ഞെടുപ്പ് കമ്മീഷന് ഹൈക്കോടതി നിർദേശം നല്കിയതായി രാജ്മോഹന് ഉണ്ണിത്താന് എംപി പയ്യന്നൂരില് വാര്ത്താ സമ്മേളനത്തില് അറിയിച്ചു. പയ്യന്നൂര്, കല്യാശ്ശേരി, തളിപ്പറമ്പ്, ധര്മടം, പേരാവൂര്, കണ്ണൂര്, തലശ്ശേരി മണ്ഡലങ്ങളിലെ ബൂത്തുകളിലാണ് വെബ് കാമറ സ്ഥാപിക്കാന് നിര്ദേശം നല്കിയത്.
കള്ളവോട്ട് തടയുന്നതിനു നടപടി ആവശ്യപ്പെട്ട് കല്യാശ്ശേരി ബ്ളോക്ക് കോണ്ഗ്രസ് പ്രസിഡണ്ട് പിപി കരുണാകരന് മാസ്റ്റര് ഹൈക്കോടതിയില് നല്കിയ റിട്ട് ഹരജിയിലാണ് നിര്ദേശം. തിരഞ്ഞെടുപ്പിന് ശേഷം 10 ദിവസത്തിനകം വെബ് കാമറയുടെ ഹാര്ഡ് ഡിസ്കിന്റെ പകര്പ്പ് പരാതിക്കാരനു കൈമാറണമെന്നും നിർദേശത്തിൽ പറയുന്നു. പോളിങ്ങില് കൃത്രിമം നടന്നതായി തെളിഞ്ഞാല് ഉദ്യോഗസ്ഥര്ക്ക് എതിരെ നടപടി എടുക്കണമെന്നും തിരഞ്ഞെടുപ്പ് കമ്മീഷന് നിര്ദേശം നല്കി.
Read also: മലപ്പുറത്ത് മുസ്ലിം ലീഗ് പഞ്ചായത്ത് സെക്രട്ടറി പാർട്ടി വിട്ടു