തിരുവനന്തപുരം: സംസ്‌ഥാനത്ത് സ്വർണവില കുതിച്ചുയരുന്നു. 1,040 രൂപയാണ് ഇന്ന് മാത്രം ഒരു പവൻ സ്വർണത്തിന് സംസ്‌ഥാനത്ത് കൂടിയത്. ഇതോടെ നിലവിൽ സംസ്‌ഥാനത്ത് ഒരു പവൻ സ്വർണത്തിന്റെ വില 40,560 ആയി ഉയർന്നു. കൂടാതെ ഒരു ഗ്രാമിന് 5,070 രൂപയായും വില ഉയർന്നു.
37,360 രൂപയായിരുന്നു ഈ മാസം ആദ്യം സ്വർണവില. പിന്നീട് ഓരോ ദിവസവും വിലയിൽ ഉണ്ടായ ഉയർച്ചയാണ് ഇപ്പോൾ സ്വർണവില 40,000ന് മുകളിൽ എത്തിച്ചത്. യുക്രൈനിലെ റഷ്യൻ അധിനിവേശത്തെ തുടർന്ന് ഓഹരി വിപണിയിൽ ഉണ്ടായ അനിശ്‌ചിതത്വമാണ് സ്വർണ വിലയിൽ പ്രതിഫലിക്കുന്നത്.
കോവിഡ് വ്യാപനത്തെ തുടർന്നാണ് സ്വർണവിലയിൽ റെക്കോർഡ് വർധന ഉണ്ടാകുന്നത്. സംസ്‌ഥാനത്ത് 42,000 രൂപ വരെ സ്വർണവില എത്തിയിരുന്നു. അതിന് ശേഷമാണ് പിന്നീട് സ്വർണവിലയിൽ കുറവ് ഉണ്ടായത്. എന്നാൽ കോവിഡിനൊപ്പം ആഗോളതലത്തിൽ നാണ്യപ്പെരുപ്പ ഭീഷണി നിലനിൽക്കുന്നതും സ്വർണവില ഉയരാൻ കാരണമായേക്കും.
Read also: സിപിഎം സംസ്‌ഥാന സമിതിയുടെ ആദ്യ യോഗം ഇന്ന് ചേരും
