ന്യൂഡെൽഹി: രാജ്യത്തെ അതീവ സുരക്ഷാ മേഖലകളുടെ പട്ടികയിൽ ഇടംപിടിച്ച് കേരളത്തിലെ കൊച്ചിയും. കേന്ദ്ര ആഭ്യന്തര മന്ത്രാലയമാണ് പട്ടികയിറക്കിയത്. കൊച്ചി കുണ്ടന്നൂർ മുതൽ എംജി റോഡ് വരെയാണ് അതീവ സുരക്ഷാ മേഖലയിൽ ഉൾപ്പെടുന്നത്. രാജ്യത്താകമാനം പത്ത് അതീവ സുരക്ഷാ മേഖലകളാണ് കേന്ദ്രത്തിന്റെ പട്ടികയിൽ ഉള്ളത്.
കൊച്ചിൻ ഷിപ്പിയാർഡ്, കണ്ടെയ്‌നർ സ്‌റ്റേഷൻ, നേവൽ ജട്ടി, കേന്ദ്രീയ വിദ്യാലയം, കൊങ്കൺ സ്‌റ്റോറേജ് ഓയിൽ ടാങ്ക്, നേവൽ എയർപോർട് തുടങ്ങിയ സ്‌ഥലങ്ങൾ കൊച്ചിയിലെ സുരക്ഷാ മേഖലയിൽ ഉൾപ്പെടും. കൊച്ചിക്ക് പുറമെ, തെലങ്കാന, രാജസ്‌ഥാൻ, ഛത്തീസ്‌ഗഡ്, മധ്യപ്രദേശ്, ബീഹാർ, ആൻഡമാൻ നിക്കോബാർ ദ്വീപുകൾ എന്നിവയാണ് പട്ടികയിൽ ഉൾപ്പെട്ടിട്ടുള്ളത്.
ഈ മേഖലകളിൽ ഔദ്യോഗിക സുരക്ഷാ നിയമം ബാധകമാണ്. രാജ്യത്തെ പ്രതിരോധ മേഖലയുമായി ബന്ധപ്പെട്ട് പ്രവർത്തിക്കുന്ന സ്‌ഥാപനങ്ങൾ സ്‌ഥിതി ചെയ്യുന്ന സ്‌ഥലങ്ങളെയാണ് അതീവ സുരക്ഷാ മേഖലയായി കേന്ദ്രം കണക്കാക്കുന്നത്.
Most Read: ‘സർക്കാർ ജീവനക്കാർക്ക് സ്വന്തമായി യൂട്യൂബ് ചാനൽ വേണ്ട’; ഉത്തരവിറക്കി സർക്കാർ
