ന്യൂയോർക്ക്: ഐഡ ചുഴലിക്കാറ്റിന്റെ ഫലമായി അതിശക്‌തമായ മഴയും, വെള്ളപ്പൊക്കവും ഉണ്ടായതിനെ തുടർന്ന് ന്യൂയോർക്ക് നഗരത്തിൽ അടിയന്തരാവസ്‌ഥ പ്രഖ്യാപിച്ചു. അപകടകരമായ സാഹചര്യങ്ങളും, വെള്ളപ്പൊക്ക ഭീഷണിയും നേരിടുന്ന സാഹചര്യത്തിലാണ് അടിയന്തരാവസ്‌ഥ പ്രഖ്യാപിച്ചതെന്ന് മേയർ ബിൽ ഡി ബ്ളാസിയോ പറഞ്ഞു. ചരിത്രപരമായ ഒരു കാലാവസ്‌ഥാ വ്യതിയാനത്തിനാണ് നഗരം സാക്ഷ്യം വഹിക്കുന്നതെന്നും അദ്ദേഹം ചൂണ്ടിക്കാട്ടി.
സബ്‌വേ സ്‌റ്റേഷനുകളിലേക്കും, വീടുകളിലേക്കും വെള്ളം ഒഴുകുന്നതും റോഡുകൾ വെള്ളത്തിനടിയിൽ ആയതും ഉൾപ്പെടെ ദുരന്തത്തിന്റെ വ്യാപ്‌തി വ്യക്‌തമാക്കുന്ന ചിത്രങ്ങൾ സോഷ്യൽ മീഡിയയിലൂടെ പ്രചരിക്കുന്നുണ്ട്. നേരത്തെ ന്യൂജേഴ്‌സിയിലും സമാന സാഹചര്യം കണക്കിലെടുത്ത് അടിയന്തരാവസ്‌ഥ പ്രഖ്യാപിച്ചിരുന്നു. ഇവിടെ മഴക്കെടുതിയിൽ ഒരാൾ മരണപ്പെട്ടിരുന്നു.
Read Also: അസം ദേശീയോദ്യാനത്തിൽ നിന്നും രാജീവ് ഗാന്ധിയെ ‘വെട്ടും’
