ഇടുക്കി: കിടപ്പുരോഗിയായ വീട്ടമ്മയെ കൊലപ്പെടുത്തിയ ഭർത്താവ് അറസ്‌റ്റിൽ. ചെറുതോണിക്ക് സമീപം ഗാന്ധിനഗറിൽ താമസിക്കുന്ന രഞ്‌ജിനിയാണ് കൊല്ലപ്പെട്ടത്. ഭർത്താവ് മുനിസ്വാമിയെ പൊലീസ് അറസ്‌റ്റ് ചെയ്‌തു. ബുധഴ്‌ച രാത്രിയാണ് സംഭവം. ആറ് മാസത്തിലധികമായി കിടപ്പിലായിരുന്നു രഞ്‌ജിനി.
ഭാര്യയെ കൊലപ്പെടുത്തിയ ശേഷം ഇവർ മരിച്ചതായി മുനിസ്വാമി അയല്‍വാസികളെ അറിയിച്ചു. നാട്ടുകാരും ബന്ധുക്കളും അറിയിച്ചതിനെ തുടർന്ന് പൊലീസെത്തി മൃതദേഹം ഇടുക്കി മെഡിക്കല്‍ കോളേജ് ആശുപത്രിയിലേക്ക് മാറ്റി. ഇൻക്വസ്‌റ്റ് നടത്തിയപ്പോൾ കഴുത്തിൽ കണ്ട പാടാണ് കൊലപാതകമാണെന്ന സംശയം ജനിപ്പിച്ചത്. പോസ്‌റ്റുമോർട്ടത്തിൽ ഇക്കാര്യം സ്‌ഥിരീകരിക്കുകയും ചെയ്‌തു.
ഭാര്യയെ നോക്കാനുള്ള ബുദ്ധിമുട്ട് മൂലമാണ് കൊലപ്പെടുത്തിയതെന്ന് മുനിസ്വമി പൊലീസിനോടു പറഞ്ഞു. മൃതദേഹം പോസ്‌റ്റുമോർട്ടത്തിനു ശേഷം ബന്ധുക്കൾക്ക് വിട്ടുനൽകും. മുനിസ്വാമിയെ നാളെ കോടതിയിൽ ഹാജരാക്കും.
Read also: ഗുരുവായൂരിലെ ഥാര്‍ വീണ്ടും ലേലത്തിന്
