കണ്ണൂർ: തളിപ്പറമ്പിൽ സ്‌കൂട്ടറിൽ മദ്യം കടത്തുന്നതിനിടെ റിട്ട. എസ്‌ഐയും സഹായിയും പിടിയിൽ. ചുഴലി സ്വദേശിയായ റിട്ട. എസ്‌ഐ ഉണ്ണികൃഷ്‌ണൻ, ചുഴലി മൊട്ടക്കേപീടിക സ്വദേശി മുണ്ടയിൽ വീട്ടിൽ നാരായണൻ എന്നിവരെയാണ് തളിപ്പറമ്പ് എക്‌സൈസ് സംഘം അറസ്‌റ്റ് ചെയ്‌തത്‌. സ്‌കൂട്ടറിൽ കടത്തുകയായിരുന്ന 24 കുപ്പി വിദേശ നിർമിത മദ്യവുമായാണ് ഇരുവരും പിടിയിലായത്.
ഇവർക്കെതിരെ അബ്‌കാരി നിയമപ്രകാരമാണ് കേസെടുത്തത്. തളിപ്പറമ്പ് എക്‌സൈസ് സർക്കിൾ ഓഫിസിലെ പ്രിവന്റീവ് ഓഫിസർ അഷ്‌റഫ് എംവിയുടെ നേതൃത്വത്തിൽ കുറുമാത്തൂർ ബാവുപ്പറമ്പ ഭാഗങ്ങളിൽ നടത്തിയ പരിശോധനക്കിടെയാണ് സ്‌കൂട്ടറിൽ മദ്യം കടത്തിക്കൊണ്ടു വരുന്നതിനിടെ റിട്ട. എസ്‌ഐയും കൂട്ടാളിയും പിടിയിലായത്. സിവിൽ എക്‌സൈസ് ഓഫിസർമാരായ ഷൈജു കെവി, വിനീത് പിആർ എന്നിവരും പരിശോധനയിൽ പങ്കെടുത്തു.
Most Read: നടിയെ ആക്രമിച്ച കേസ്; സർക്കാരിന്റെ ഹരജി സുപ്രീം കോടതി തിങ്കളാഴ്‌ച പരിഗണിക്കും
