മാർച്ചിൽ രാജ്യത്തെ ജിഎസ്‌ടി വരുമാനം 1.24 ലക്ഷം കോടി രൂപയായി ഉയർന്നു

By Staff Reporter, Malabar News
MALABARNEWS-GST
Representational Image

ന്യൂഡെൽഹി: രാജ്യത്തെ ചരക്ക്-സേവന നികുതി (ജിഎസ്‌ടി) വരുമാനം മാർച്ചിൽ 1,23,902 കോടി രൂപയിലെത്തി. 2017 ജൂലായിൽ ജിഎസ്‌ടി നടപ്പാക്കിയ ശേഷം ഒരു മാസം ലഭിക്കുന്ന ഏറ്റവും ഉയർന്ന വരുമാനമാണിത്. 2020 മാർച്ചിലെ വരുമാനമായ 97,590 കോടി രൂപയെ അപേക്ഷിച്ച് 27 ശതമാനം വർധനയാണ് ഉണ്ടായത്.

കഴിഞ്ഞ ആറുമാസമായി ജിഎസ്‌ടി വരുമാനം ഒരുലക്ഷം കോടി രൂപക്ക് മുകളിലാണ്. മാത്രമല്ല, ഓരോ മാസവും വരുമാനത്തിൽ വർധന രേഖപ്പെടുത്തുന്നതായും കേന്ദ്ര ധനമന്ത്രാലയം വ്യക്‌തമാക്കി. കോവിഡ് സൃഷ്‌ടിച്ച സാമ്പത്തികാഘാതത്തിൽ നിന്ന് രാജ്യം കരകയറുന്നതിന്റെ വ്യക്‌തമായ സൂചനയാണിതെന്നും ധനമന്ത്രാലയം പറയുന്നു.

മാർച്ചിൽ കേന്ദ്ര ജിഎസ്‌ടിയായി 22,973 കോടി രൂപയും സംസ്‌ഥാന ജിഎസ്‌ടിയായി 29,329 കോടി രൂപയും സംയോജിത ജിഎസ്‌ടി(ഐജിഎസ്‌ടി) ആയി 62,842 കോടി രൂപയുമാണ് ലഭിച്ചത്. വിവിധ സെസുകളിലൂടെ 8757 കോടി രൂപയും സമാഹരിച്ചിട്ടുണ്ട്.

അതേസമയം, സാമ്പത്തികവർഷം മൊത്തമായി പരിഗണിക്കുമ്പോൾ മുൻവർഷത്തെ അപേക്ഷിച്ച് വരുമാനത്തിൽ കുറവുണ്ടായിട്ടുണ്ട്. 2019-20 സാമ്പത്തിക വർഷം 12,22,117 കോടി രൂപയായിരുന്നു രാജ്യത്തെ ജിഎസ്‌ടി വരുമാനം. 2020-21 സാമ്പത്തിക വർഷമിത് 11,36,803 കോടി രൂപ മാത്രമാണ്. കോവിഡ് മഹാമാരിയാണ് വരുമാനം ഇടിയാൻ കാരണമായത്.

കേരളത്തിന്റെ ജിഎസ്‌ടി വരുമാനത്തിൽ മുൻവർഷത്തെ അപേക്ഷിച്ച് 24 ശതമാനം വർധനയാണ് മാർച്ചിലുണ്ടായിട്ടുള്ളത്. 2020 മാർച്ചിൽ 1475.25 കോടി രൂപയായിരുന്നു വരുമാനമെങ്കിൽ ഇത്തവണയിത് 1827.94 കോടിയായി ഉയർന്നിട്ടുണ്ട്.

Read Also: ‘കെഎസ്ഇബി അദാനിയുമായി 25 വർഷത്തെ കരാർ ഒപ്പിട്ടു’; ആരോപണവുമായി ചെന്നിത്തല

Mechart

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE