ന്യൂഡെൽഹി: രാജ്യത്ത് 56,211 പേർക്കുകൂടി 24 മണിക്കൂറിനിടെ കോവിഡ് സ്‌ഥിരീകരിച്ചു. ഇതോടെ രാജ്യത്തെ കോവിഡ് രോഗബാധിതരുടെ എണ്ണം 1,20,95,855 ആയി ഉയർന്നതായി കേന്ദ്ര ആരോഗ്യ കുടുംബക്ഷേമ മന്ത്രാലയം അറിയിച്ചു. 37,028 പേർ രോഗമുക്‌തി നേടിയപ്പോൾ 271 മരണങ്ങളും ഒരു ദിവസത്തിനിടെ റിപ്പോർട് ചെയ്‌തു.
തുടർച്ചയായ ഇരുപതാം ദിവസമാണ് രാജ്യത്ത് കോവിഡ് കേസുകളിൽ വർധനവ് രേഖപ്പെടുത്തുന്നത്. നിലവിൽ 5,40,720 സജീവ കേസുകളാണ് രാജ്യത്തുള്ളത്. ഇതുവരെ 1,13,93,021 ആളുകളാണ് കോവിഡിൽ നിന്നും മുക്‌തി നേടിയത്. 94.19 ശതമാനമാണ് രോഗമുക്‌തി നിരക്ക്.
അതേസമയം 1,62,114 ആളുകൾക്ക് രാജ്യത്ത് ഇതുവരെ കോവിഡ് മൂലം ജീവൻ നഷ്‌ടമായി. മരണനിരക്ക് 1.34 ശതമാനമാണ്.
മാർച്ച് 29 വരെ 24,26,50,025 സാമ്പിളുകൾ പരിശോധിച്ചതായി ഐസിഎംആർ അറിയിച്ചു. 7,85,864 സാമ്പിളുകൾ ഞായറാഴ്‌ച മാത്രം പരിശോധിച്ചു.
വാക്‌സിനേഷൻ പുരോഗമിക്കുന്ന രാജ്യത്ത് മാർച്ച് 30 രാവിലെ വരെ 6,11,13,354 ഡോസ് വാക്‌സിനുകളാണ് വിതരണം ചെയ്‌തത്‌.
Read Also: മ്യാൻമർ അഭയാർഥികൾക്ക് വിലക്ക്; ഉത്തരവ് പിൻവലിച്ച് മണിപ്പൂർ സർക്കാർ
