ന്യൂഡെൽഹി: 24 മണിക്കൂറിനിടെ രാജ്യത്ത് റിപ്പോർട് ചെയ്യപ്പെട്ടത് 81,466 പുതിയ കോവിഡ് കേസുകൾ. ഈ വർഷം ഇതുവരെയുള്ള ഏറ്റവും ഉയർന്ന പ്രതിദിന കോവിഡ് കണക്കാണിത്. 1,23,03,131 ആളുകൾക്കാണ് രാജ്യത്ത് ഇതുവരെയായി കോവിഡ് റിപ്പോർട് ചെയ്തിട്ടുള്ളത്. കേന്ദ്ര ആരോഗ്യ മന്ത്രാലയത്തിന്റെ കണക്കുകൾ പ്രകാരം 24 മണിക്കൂറിനിടെ 469 പേർക്കാണ് കോവിഡ് മൂലം ജീവൻ നഷ്ടമായത്.
രാജ്യത്ത് നിലവിൽ 6,14,696 സജീവ കേസുകളാണുള്ളത്. 50,356 പേർ രാജ്യത്ത് രോഗമുക്തി നേടി. ഇതുവരെ 1,15,25,039 ആളുകളാണ് കോവിഡിൽ നിന്നും മുക്തി നേടിയത്. അതേസമയം 469 പുതിയ മരണങ്ങളോടെ രാജ്യത്തെ കോവിഡ് മരണസംഖ്യ 1.63 ലക്ഷമായി ഉയർന്നു.
പുതിയ കോവിഡ് കേസുകളിൽ 43,183 എണ്ണം മഹാരാഷ്ട്രയിൽ നിന്നുള്ളതാണ്. ഛത്തീസ്ഗഡിലും കർണാടകയിലും നാലായിരത്തിലധികം കേസുകൾ റിപ്പോർട്ട് ചെയ്തിട്ടുണ്ട്.
ഇന്ത്യൻ കൗൺസിൽ ഓഫ് മെഡിക്കൽ റിസർച്ചിന്റെ (ഐസിഎംആർ) കണക്കനുസരിച്ച് 11,13,966 സാമ്പിളുകളാണ് ബുധനാഴ്ച പരിശോധിച്ചത്. രാജ്യത്താകെ 24,59,12,587 സാമ്പിളുകൾ ഇതുവരെ പരിശോധിച്ചിട്ടുണ്ട്.
അതേസമയം വാക്സിനേഷൻ പുരോഗമിക്കുന്ന രാജ്യത്ത് ഇതുവരെ 6,87,89,138 പേർക്കാണ് പ്രതിരോധ കുത്തിവെപ്പ് നൽകിയതെന്ന് ആരോഗ്യ കുടുംബക്ഷേമ മന്ത്രാലയം അറിയിച്ചു.
Read Also: സർക്കാരിന് രൂക്ഷ വിമർശനം; വോട്ടവകാശം ബുദ്ധിപൂര്വം വിനിയോഗിക്കണമെന്ന് തൃശൂര് അതിരൂപത