മുംബൈ: ഇന്ത്യയുടെ ആദ്യത്തെ ഓസ്‌കാര്‍ ജേതാവും വസ്‌ത്രാലങ്കാര വിദ്ഗധയുമായ ഭാനു അതയ്യ അന്തരിച്ചു. മുംബൈ ചന്ദന്‍വാഡിയിലെ വസതിയിലായിരുന്നു അന്ത്യം. ബ്രെയിന്‍ ട്യൂമറിന് ചികില്‍സയില്‍ കഴിയുകയായിരുന്നു. ഉറക്കത്തിനിടെയാണ് മരണമെന്ന് മകള്‍ രാധിക ഗുപ്‌ത പറഞ്ഞു. 1982 ല്‍ പുറത്തിറങ്ങിയ റിച്ചാര്‍ഡ് ആറ്റന്‍ബറോയുടെ ഗാന്ധി എന്ന ചിത്രത്തിലൂടെയാണ് ഭാനുമതി അന്നാ സാഹിബ് രാജോപാദ്ധ്യായേ എന്ന ഭാനു അതയ്യ മികച്ച വസ്‌ത്രാലങ്കാരത്തിനുള്ള ഓസ്‌കാര്‍ നേടിയത്. രാത് ഓര്‍ ദിന്‍, ശിക്കാര്‍, സി ഐ ഡി തുടങ്ങി നൂറോളം ബോളിവുഡ് ചിത്രങ്ങള്‍ക്ക് വേണ്ടി പ്രവര്‍ത്തിച്ചു. നാഷണല്‍ ഫിലിം അക്കാദമി അവാര്‍ഡ്, ഫിലിം ഫെയര്‍ ലൈഫ് ടൈം അച്ചീവ്‌മെന്റ് അവാര്‍ഡ് തുടങ്ങി നിരവധി പുരസ്‌കാരങ്ങള്‍ നേടിയിട്ടുണ്ട്.
Read also: പ്രശസ്‌ത കായിക പത്രപ്രവർത്തകൻ കിഷോർ ഭിമാനി അന്തരിച്ചു
