കൊരട്ടി: നൂറോളം ഭക്ഷണശാലകൾ കൊണ്ട് ശ്രദ്ധേയമായ കൊരട്ടിയിലെ വിവിധ ഭക്ഷണശാലകളിൽ ഭക്ഷ്യ സുരക്ഷാ വകുപ്പിന്റെ മിന്നൽ പരിശോധന. വ്യാഴാഴ്‌ച 12 ഭക്ഷണ ശാലകളിലാണ് പരിശോധന നടത്തിയത്. തുടർന്ന് നാല് കടകൾക്ക് ഭക്ഷ്യ സുരക്ഷാ വകുപ്പ് നോട്ടീസ് നൽകി.
പഴകിയ ഭക്ഷണം ഉൾപ്പടെ കണ്ടെത്തിയ കടകൾക്കാണ് അധികൃതർ നോട്ടീസ് നൽകിയത്. ഒരിടവേളക്ക് ശേഷമാണ് കൊരട്ടി മേഖലയിലെ ഭക്ഷണശാലകളിൽ അധികൃതർ പരിശോധന നടത്തുന്നത്.
Malabar News: കണ്ണൂരില്‍ വ്യാപകമായി വ്യാജ ലോട്ടറികള്‍ ഉപയോഗിച്ച് തട്ടിപ്പ്
കടകൾക്ക് പുറമേ വിശപ്പ് രഹിത സന്ദേശം പകർന്ന് മൂന്നു മാസം മുമ്പ് തുടക്കമിട്ട ‘പാഥേയ’ത്തിലെ ഭക്ഷണപ്പൊതികളും ഭക്ഷ്യ സുരക്ഷാ വകുപ്പ് പരിശോധിച്ചു. ഭക്ഷണത്തിലെ ഗുണമേൻമയാണ് പരിശോധനക്ക് വിധേയമാക്കിയത്. ‘പാഥേയ’ത്തിന്റെ നടത്തിപ്പും പരിശോധന ഉദ്യോഗസ്‌ഥർ വിലയിരുത്തി.
ഫുഡ് സേഫ്റ്റി ഓഫീസർ നിഷാ റാണി, കൊരട്ടി എസ്ഐ സിഒ ജോഷി എന്നിവരുടെ നേതൃത്വത്തിലാണ് പരിശോധന നടന്നത്.
Read Also: കർഷക പ്രക്ഷോഭം; കേന്ദ്രവുമായുള്ള 11ആം വട്ട ചർച്ച ഇന്ന്
