ബെംഗളൂരു: ഐഎസ് റിക്രൂട്ട്മെന്റ് കേസിൽ 4 പേരെ കൂടി ദേശീയ അന്വേഷണ ഏജൻസി (എൻഐഎ) അറസ്‌റ്റ് ചെയ്‌തു. ഭീകര സംഘടനകളുടെ പ്രവർത്തനവുമായി ബന്ധപ്പെട്ട് ലഭിച്ച വിവരങ്ങളുടെ അടിസ്‌ഥാനത്തിൽ ജമ്മു കശ്‌മീരിലും, കർണാടകയിലും ഇന്നലെ ഒരേസമയം നടത്തിയ തിരച്ചിലിന് ഒടുവിലാണ് നാല് പേരെ എൻഐഎ അറസ്‌റ്റ് ചെയ്‌തത്‌.
ബെംഗളൂരു സ്വദേശി ശങ്കർ വെങ്കിടേഷ് പെരുമാൾ, മംഗളൂരു സ്വദേശി അമർ അബ്‌ദുൽ റഹ്‌മാൻ, കശ്‌മീർ സ്വദേശികളായ ഉബൈദ് ഹമീദ്, മുസമ്മിൽ ഹസൻ ഭട്ട് എന്നിവരെയാണ് പിടികൂടിയത്. ഇവരെ ഇന്ന് എൻഐഎ ആസ്‌ഥാനത്തെത്തിക്കും. കർണാടകയിലെ മുൻ എംഎൽഎ മുൻ ഇദ്ദിനബ്ബയുടെ കൊച്ചുമകനാണ് അറസ്‌റ്റിലായ അമർ അബ്‌ദുൾ റഹ്‌മാൻ.
ഐഎസുമായുള്ള ബന്ധത്തിന്റെ പേരിൽ മലയാളിയായ മുഹമ്മദ് അമീൻ (അബു യഹിയ) ഉൾപ്പെടെ 3 പേരെ കഴിഞ്ഞ മാർച്ചിൽ എൻഐഎ അറസ്‌റ്റ് ചെയ്‌തിരുന്നു. ഇവരെ ചോദ്യം ചെയ്‌തതിൽ നിന്നു ലഭിച്ച വിവരങ്ങളുടെ അടിസ്‌ഥാനത്തിലാണ് കശ്‌മീരിലും കർണാടകയിലും റെയ്‌ഡ്‌ നടത്തിയത്.
അറസ്‌റ്റിലായവർ കേരളം ഉൾപ്പെടെയുള്ള സംസ്‌ഥാനങ്ങളിൽ വലിയ ഭീകരാക്രമണങ്ങൾക്ക് ലക്ഷ്യമിട്ടിരുന്നതായി നേരത്തെ റിപ്പോർട്ടുകൾ പുറത്തു വന്നിരുന്നു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
