പനാജി: ഐഎസ്എല്ലിൽ നാല് സീസണുകളുടെ ഇടവേളക്ക് ശേഷം സെമിഫൈനൽ ഉറപ്പാക്കിയ കേരളത്തിന്റെ കൊമ്പൻമാർ ഇന്ന് അവസാന അങ്കത്തിന് ഇറങ്ങുന്നു. ജയത്തോടെ ലീഗ് ഘട്ടം അവസാനിപ്പിച്ച് ആത്മ വിശ്വാസം വർധിപ്പിക്കാനാണ് ഇവാൻ വുകമനോവിച്ചിന്റെ കുട്ടികൾ ഇന്ന് ഗോവൻ പടയാളികൾക്ക് എതിരെ കളിക്കുക.
ജംഷഡ്പൂർ, ഹൈദരാബാദ്, എടികെ എന്നിവയാണ് സെമിഫൈനൽ ഉറപ്പാക്കിയ മറ്റ് ടീമുകൾ. ഇന്ന് ഗോവയെ നേരിടുമ്പോൾ ഖബ്ര അടക്കമുള്ള മുൻനിര താരങ്ങൾ ബ്ളാസ്റ്റേഴ്സ് നിരയിൽ ഉണ്ടാവില്ല. ഒരുപക്ഷെ കൂടുതൽ താരങ്ങൾക്ക് വിശ്രമം അനുവദിക്കാനും സാധ്യതയുണ്ട്.
മറുഭാഗത്ത് ഗോവയാകട്ടെ ഇക്കുറി പ്രതീക്ഷിച്ച പ്രകടനം പുറത്തെടുക്കാൻ കഴിയാത്ത നിരാശയിലാണ്. അവസാന മൽസരം കളിക്കാൻ കാത്തുനിൽക്കാതെ ജോർജെ ഓർട്ടിസ് നാട്ടിലേക്ക് മടങ്ങി. എടു ബെഡിയയും ഇന്ന് കളത്തിൽ ഇറങ്ങില്ലെന്നാണ് റിപ്പോർട്ടുകൾ.
Read Also: യാത്രക്കാർക്ക് ക്വാറന്റെയ്ൻ വേണ്ട; സൗദിയിൽ കൂടുതൽ ഇളവുകൾ