റിയാദ്: സൗദി അറേബ്യയിൽ കോവിഡ് സുരക്ഷയുടെ ഭാഗമായി ഏർപ്പെടുത്തിയ നിയന്ത്രണങ്ങൾ പിൻവലിച്ചതായി ആഭ്യന്തര മന്ത്രാലയം അറിയിച്ചു. കോവിഡിനെതിരെയുള്ള പ്രതിരോധ കുത്തിവെപ്പുകളുടെയും പ്രതിരോധശേഷിയുടെയും നിരക്കുകളിൽ വൻ കുതിപ്പാണ് രേഖപ്പെടുത്തിയതെന്നും പകർച്ചവ്യാധിയെ ചെറുക്കാൻ രാജ്യത്തിന് കഴിഞ്ഞെന്നും മന്ത്രാലയം വക്‌താക്കൾ പറഞ്ഞു.
മക്കയിലെ മസ്‌ജിദുൽ ഹറമിലെയും പ്രവാചക നഗരിയായ മദീനയിലെ മസ്‌ജിദുന്നബവിയിലും സാമൂഹിക അകലം പാലിക്കൽ നടപടികളും ഒഴിവാക്കിയിട്ടുണ്ട്. അതേസമയം മാസ്‌ക് ധരിക്കൽ നിർബന്ധമാക്കുന്നത് തുടരാനാണ് തീരുമാനം. എന്നാൽ പൊതുസ്‌ഥലങ്ങളിൽ സാമൂഹിക അകലം പാലിക്കൽ ഒഴിവാക്കിയിട്ടുണ്ട്.
നേരത്തെ രണ്ട് ഡോസ് വാക്‌സിൻ എടുക്കാതെ രാജ്യത്തേക്ക് വരുന്നവർ, സന്ദർശക, വിസിറ്റ് വിസകളിൽ രാജ്യത്തേക്ക് പ്രവേശിക്കുന്നവർ എന്നിവർ നിർബന്ധിത ക്വാറന്റെയ്‌നിൽ കഴിയണമെന്ന വ്യവസ്‌ഥയും സൗദിയിലേക്ക് വരുന്നതിന് മുൻപ് പിസിആർ ടെസ്‌റ്റ് ചെയ്യണമെന്ന നിബന്ധനയും ഇവിടെ നിലവിലുണ്ടായിരുന്നു. ഇതും പല ഘട്ടങ്ങളിലായി ഒഴിവാക്കുകയായിരുന്നു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
