ഏഴ് വർഷങ്ങൾക്കു ശേഷം മലയാളികളുടെ പ്രിയ താരങ്ങളായ മീര ജാസ്‌മിനും ജയറാമും വീണ്ടും വെള്ളിത്തിരയിൽ ഒന്നിക്കുന്നു. സത്യൻ അന്തിക്കാട് സംവിധാനം ചെയ്യുന്ന പുതിയ സിനിമയിലാണ് താരങ്ങൾ കൈകോർക്കുന്നത്.
മീര ജാസ്‌മിനൊപ്പമുള്ള ലൊക്കേഷൻ വീഡിയോ ജയറാം സമൂഹ മാദ്ധ്യമങ്ങളിൽ പങ്കുവെച്ചിട്ടുണ്ട്. സിനിമാ ചിത്രീകരണത്തിനിടയിലെ നിമിഷങ്ങളാണ് ജയറാം ആരാധകർക്കായി പങ്കുവെച്ചത്.
View this post on Instagram
ചിത്രത്തിൽ ജൂലിയറ്റ് എന്ന കഥാപാത്രമായാണ് മീര എത്തുന്നത്. ദേവിക, ഇന്നസെന്റ്, കെപിഎസി ലളിത, ശ്രീനിവാസൻ എന്നിവരാണ് മറ്റ് അഭിനേതാക്കൾ.
എസ് കുമാർ ഛായാഗ്രഹണം നിർവഹിക്കുന്ന ചിത്രത്തിന് ഈണം പകരുന്നത് വിഷ്‌ണു വിജയ് ആണ്. പ്രശാന്ത് മാധവ് കലാസംവിധാനവും സമീറ സനീഷ് വസ്‌ത്രാലങ്കാരവും നിർവഹിക്കുന്നു. സെൻട്രൽ പിക്ചേഴ്സ് ആണ് ചിത്രം തിയേറ്ററുകളിൽ എത്തിക്കുന്നത്.
2014ല്‍ സുഗീത് സംവിധാനം ചെയ്‌ത ‘ഒന്നും മിണ്ടാതെ’ എന്ന സിനിമയിലാണ് അവസാനമായി മീരയും ജയറാമും ഒന്നിച്ചത്.
Most Read: അറിയാം; സറോഗസി അഥവാ സറഗസി എന്നറിയപ്പെടുന്ന വാടക ഗർഭധാരണം
