കൊച്ചി: ജെസ്ന മരിയ ജെയിംസിന്റെ തിരോധാനത്തില് സിബിഐ അന്വേഷണം ആവശ്യപ്പെട്ടുള്ള ഹരജി ഹൈക്കോടതി ഇന്ന് വീണ്ടും പരിഗണിക്കും. ഹരജിയില് സിബിഐ ഇന്ന് നിലപാട് അറിയിച്ചേക്കും.
ജെസ്നയുടെ സഹോദരന് ജയ്സ് ജോണ്, കെഎസ്യു സംസ്ഥാന പ്രസിഡണ്ട് കെഎം അഭിജിത് എന്നിവര് നല്കിയ ഹരജികളാണ് ഹൈക്കോടതിയുടെ പരിഗണനയിലുള്ളത്. സാധ്യമായ രീതിയില് അന്വേഷണം നടത്തിയെങ്കിലും ജെസ്നയെ കണ്ടെത്താന് കഴിഞ്ഞില്ലെന്ന് നേരത്തെ സംസ്ഥാന സര്ക്കാര് കോടതിയെ അറിയിച്ചിരുന്നു.
ക്രൈംബ്രാഞ്ച് അന്വേഷണത്തിലുള്ള പ്രതീക്ഷ അവസാനിച്ചുവെന്നും കേസ് ഏറ്റെടുക്കാന് സിബിഐക്ക് നിര്ദ്ദേശം നല്കണമെന്നുമാണ് ഹരജിക്കാരുടെ ആവശ്യം. 2018 മാര്ച്ച് 22നാണ് കാഞ്ഞിരപ്പള്ളി എസ്ഡി കോളജില് രണ്ടാം വര്ഷ ഡിഗ്രി വിദ്യാര്ഥിനി ആയിരുന്ന ജെസ്ന മരിയ ജെയിംസിനെ കാണാതാകുന്നത്.
National News: ഉന്നാവ് പെണ്കുട്ടികളുടെ മരണം; കൊലപാതകമെന്ന് ഉറപ്പിച്ച് എഫ്ഐആർ