കൊച്ചി: ജ്വല്ലറി തട്ടിപ്പ് കേസില്‍ മുസ്‌ലിം ലീഗ് എംഎല്‍എ എംസി കമറുദ്ദീന് ഉപാധികളോടെ ജാമ്യം. മൂന്ന് കേസുകളിലാണ് ഹൈക്കോടതി ജാമ്യം അനുവദിച്ചത്. കമറുദ്ദീന്റെ ആരോഗ്യവും മറ്റു കേസുകളില്‍ പ്രതിയല്ലെന്നതും പരിഗണിച്ചാണ് ജാമ്യം.
അതേസമയം നിരവധി കേസുകള്‍ നിലനില്‍ക്കുന്നതിനാല്‍ ജാമ്യം ലഭിച്ചാലും ഇദ്ദേഹത്തിന് പുറത്തിറങ്ങാന്‍ സാധിക്കുമോ എന്ന് വ്യക്‌തമായിട്ടില്ല. കേസ് നിലനില്‍ക്കുന്ന പൊലീസ് സ്‌റ്റേഷന്‍ പരിധിയില്‍ പ്രവേശിക്കാനോ സാക്ഷിയെ സ്വാധീനിക്കാനോ ശ്രമിക്കരുത് എന്നതടക്കമുള്ള നിര്‍ദേശപ്രകാരമാണ് ജാമ്യം.
ഫാഷന്‍ ഗോള്‍ഡ് നിക്ഷേപ തട്ടിപ്പില്‍ കഴിഞ്ഞ നവംബര്‍ ഏഴിനാണ് പ്രത്യേക അന്വേഷണ സംഘം കേസിലെ രണ്ടാം പ്രതിയും മുസ്‌ലിം ലീഗ് എംഎല്‍എയുമായ എംസി കമറുദ്ദീനെ അറസ്‌റ്റ് ചെയ്‌തത്. ചന്തേര പൊലീസ് സ്‌റ്റേഷനില്‍ രജിസ്‌റ്റര്‍ ചെയ്‌ത കേസുകളില്‍ 420, 43 വകുപ്പുകള്‍ പ്രകാരമായിരുന്നു എംഎല്‍എയുടെ അറസ്‌റ്റ്.
