ന്യൂഡെല്ഹി: ഇന്ത്യയിലെ പരമോന്നത നീതിന്യായ കോടതിയുടെ അടുത്ത ചീഫ് ജസ്റ്റിസായി ജസ്റ്റിസ് എന്വി രമണയുടെ പേര് ചീഫ് ജസ്റ്റിസ് എസ്എ ബോബ്ഡെ ശുപാര്ശ ചെയ്തു. എന്വി രമണയെ നിര്ദേശിച്ചുകൊണ്ട് കേന്ദ്ര സര്ക്കാരിന് ബോബ്ഡെ കത്തയച്ചിട്ടുണ്ട്.
ഏപ്രില് മാസത്തില് നിലവിലെ ചീഫ് ജസ്റ്റിസ് എസ്എ ബോബ്ഡെ വിരമിക്കുന്ന പശ്ചാത്തലത്തിൽ പുതിയ ചീഫ് ജസ്റ്റിസിനെ ശുപാര്ശ ചെയ്യണമെന്ന് കേന്ദ്രം ആവശ്യപ്പെട്ടിരുന്നു. ഇതേത്തുടർന്നാണ് എന്വി രമണയെ നിര്ദേശിച്ചുകൊണ്ട് കേന്ദ്ര സര്ക്കാരിന് ബോബ്ഡെ കത്തയച്ചത്. ചീഫ് ജസ്റ്റിസ് കഴിഞ്ഞാൽ നിലവിൽ സുപ്രീം കോടതിയിലെ ഏറ്റവും മുതിര്ന്ന ജഡ്ജിയാണ് എൻവി രമണ.
1983ലാണ് ജസ്റ്റിസ് എന്വി രമണ ആന്ധ്രപ്രദേശ് ഹൈക്കോടതിയില് അഡ്വക്കേറ്റായി നിയമിതനാവുന്നത്. കേന്ദ്ര സര്ക്കാരിന്റെ അഡീഷണല് സ്റ്റാന്ഡിങ്ങ് കൗണ്സലായും പ്രവര്ത്തിച്ചിട്ടുണ്ട്. 2000 ജൂണിലാണ് ആന്ധ്രാപ്രദേശ് ഹൈക്കോടതിയിൽ സ്ഥിരം ജഡ്ജിയായി നിയമിക്കപ്പെട്ടത്. 2014ൽ സുപ്രീം കോടതിയിൽ നിയമിതനായി.
Read also: ജാമ്യം ലഭിക്കാൻ ആർഎസ്എസ് അംഗത്വം വേണം; അഖില് ഗൊഗോയി