ബംഗളൂരു: കര്‍ണാടകയില്‍ കോവിഡ് ബാധിച്ച് ചികിത്സയിലായിരുന്ന എംഎല്‍എ മരിച്ചു. കോണ്‍ഗ്രസ് എംഎല്‍എ ബി നാരായണ്‍ റാവു ആണ് മരിച്ചത്. 65 വയസായിരുന്നു. കോവിഡ് സ്ഥിരീകരിച്ചതിനെ തുടര്‍ന്ന് ബംഗളൂരിലെ സ്വകാര്യ ആശുപത്രിയില്‍ ചികിത്സിയില്‍ കഴിയുകയായിരുന്നു അദ്ദേഹം.
കര്‍ണാടകയിലെ ബീദാര്‍ മണ്ഡലത്തില്‍ നിന്നുള്ള നിയമസഭാംഗമായ നാരായണ്‍ റാവുവിനെ സെപ്റ്റംബര്‍ 11നാണ് കോവിഡ് ബാധയെ തുടര്‍ന്ന് മണിപ്പാല്‍ ആശുപത്രിയില്‍ പ്രവേശിപ്പിച്ചത്. പിന്നീട് രോഗം മൂര്‍ച്ഛിച്ചതിനാല്‍ ഇദ്ദേഹത്തെ വെന്റിലേറ്ററിലേക്ക് മാറ്റിയിരുന്നുവെങ്കിലും മരണം സംഭവിക്കുകയായിരുന്നു.
കഴിഞ്ഞ ദിവസം കര്‍ണാടകയില്‍ നിന്നുള്ള കേന്ദ്രസഹമന്ത്രി സുരേഷ് അംഗഡി കോവിഡ് ബാധിച്ച് മരിച്ചിരുന്നു. ഡെല്‍ഹി എയിംസില്‍ കോവിഡ് ചികിത്സയില്‍ ഇരിക്കെയാണ് അദ്ദേഹം മരണപ്പെട്ടത്.
അതേസമയം നാരായണ്‍ റാവുവിന്റെ മരണത്തില്‍ ഖേദിക്കുന്നതായും അദ്ദേഹത്തിന്റെ കുടുംബത്തിനും സുഹൃത്തുക്കള്‍ക്കും അനുശോചനം അറിയിക്കുന്നതായും ആശുപത്രി അധികൃതര്‍ പറഞ്ഞു.
