തൃശൂർ: കരുവന്നൂർ സഹകരണ ബാങ്ക് തട്ടിപ്പ് കേസ് അന്വേഷണം ഏറ്റെടുത്ത് ആദായനികുതി വകുപ്പ്. പ്രത്യേക അന്വേഷണ വിഭാഗം പോലീസിൽ നിന്ന് വിവരങ്ങള് തേടി. മുന് ബ്രാഞ്ച് മാനേജര് ബിജു കരീം, സുനില് കുമാര്, ജില്സ് എന്നിവരുടെ ആസ്തിയെ കുറിച്ചും അന്വേഷിക്കും. പ്രതികള് വരവില് കൂടുതല് സ്വത്ത് സമ്പാദിച്ചെന്ന വിവരത്തിന്റെ അടിസ്ഥാനത്തിലാണ് നടപടി. പോലീസിൽ നിന്ന് വകുപ്പ് വിവരങ്ങള് തേടി.
എന്ഫോഴ്സ്മെന്റ് ഡയറക്ടറേറ്റും കഴിഞ്ഞ ദിവസം പോലീസിൽ നിന്ന് വിവരം തേടിയിരുന്നു. വ്യാജ അക്കൗണ്ടുകള് സൃഷ്ടിച്ച് പണം കൈമാറിയെന്ന് ആദായനികുതി വകുപ്പ് സംശയിക്കുന്നു. ഇതിന് പിന്നിലുള്ള ആളുകളെ കണ്ടെത്താനാണ് ശ്രമം.
അതേസമയം കരുവന്നൂര് സഹകരണ ബാങ്ക് മുന് ബ്രാഞ്ച് മാനേജര്ക്കെതിരെ ഗുരുതര ആരോപണവുമായി ബിജെപി രംഗത്തെത്തി. ബിജു കരിം, കമ്മീഷന് ഏജന്റ് ബിജോയ് എന്നിവര് മുഖേന കമ്മീഷൻ നിരക്കിലാണ് വന്കിട ലോണുകള് നല്കിയതെന്നും തേക്കടിയിലെ റിസോര്ട്ടിനായാണ് പണം ശേഖരിച്ചതെന്നുമാണ് ആരോപണം.
Most Read: നവജ്യോത് സിദ്ദു ഇന്ന് പിസിസി അധ്യക്ഷനായി ചുമതലയേൽക്കും; അമരീന്ദർ സിങ് പങ്കെടുക്കും