കൊച്ചി: വെളിച്ചെണ്ണ നിർമാണ മേഖലയിലെ കേരള ബ്രാൻഡായ
‘കേരസ്വാദ്’ പുതിയ ഫാക്ടറി എറണാകുളം ജില്ലയിലെ കുഴുവേലിപ്പടിയില് പ്രവർത്തനം ആരംഭിച്ചു. പാണക്കാട് സയ്യദ് സാദിഖ് അലി ശിഹാബ് തങ്ങളാണ് ഉൽഘാടനം നിർവഹിച്ചത്.
അത്യാധുനിക രീതിയില് പ്രവര്ത്തനം തുടങ്ങിയ ഈ ഫാക്ടറിയിൽ കലര്പ്പില്ലാത്ത ശുദ്ധമായ നാടന് വെളിച്ചെണ്ണ സമ്പൂർണമായും ആധുനിക സങ്കേതിക വിദ്യയുടെ സഹായത്തോടെയാണ് നിർമിക്കുന്നതും പായ്ക്ക് ചെയ്യുന്നതും. കേരസ്വാദ് കരസ്പർശം ഏൽക്കാൻ അനുവദിക്കാത്ത പാക്കിംഗ് രീതിയാണ് സ്വീകരിച്ചിരിക്കുന്നത്. വെളിച്ചെണ്ണയുടെ വൃത്തി കൂടുതൽ ഉറപ്പുവരുത്തുന്നതിന് വേണ്ടിയാണിത്; കമ്പനി അധികൃതർ പറഞ്ഞു.
ഏറ്റവും മികച്ചത് മാത്രം ഉപഭോക്താവിന് നൽകാനുള്ള സജ്ജീകരണങ്ങൾക്കാണ് ഞങ്ങൾ മുൻഗണന നൽകിയിട്ടുള്ളത്; മാനേജിംഗ് പാര്ട്ട്ണര് കെഎച്ച് നൗഷാദ്, പാര്ട്ട്ണര് ഫിറോസ് ബാബു എന്നിവര് പറഞ്ഞു.
പുതിയ ഫാക്ടറിയിൽ നിന്നുള്ള ആദ്യവില്പന എസ്കെ ആഷിക്കിന് നല്കി സിനിമാ സംവിധായകന് സിദ്ദിഖ് നിർവഹിച്ചു. വ്യാപാരി വ്യവസായി സമിതി സംസ്ഥാന വൈസ് പ്രസിഡണ്ട് സികെ ജലീല്, ടികെ മുഹമ്മദ് ഹാജി, ജില്ലാ പഞ്ചായത്ത് അംഗം റൈജ അഹമ്മദ്, ആലുവ ബ്ളോക് പഞ്ചായത്ത് അംഗം അസീസ് മൂലയില്, എടത്തല ഗ്രാമപഞ്ചായത്ത് പ്രസിഡണ്ട് ശ്രീജ കുഞ്ഞുമോന്, വിവിധ വാർഡ് അംഗങ്ങളായ ടികെ ലിജി, എഎസ്കെ സലിം തുടങ്ങിയവര് ചടങ്ങിൽ പങ്കെടുത്തു സംസാരിച്ചു.
Most Read: ഡിജിറ്റൽ കറൻസികളുടെ വിനിമയം പൂർണമായും നിരോധിക്കില്ല; നിർമല സീതാരാമൻ