കൊച്ചി: സംസ്‌ഥാനത്ത് സ്വര്‍ണ വിലയില്‍ വീണ്ടും ഇടിവ്. ഗ്രാമിന് 20 രൂപയും പവന് 240 രൂപയുമാണ് കുറഞ്ഞത്. ഇതോടെ ഒരു ഗ്രാമിന് 4415 രൂപയും പവന് 35,320 രൂപയുമായി. സ്വര്‍ണ വിലയില്‍ ആറ് ദിവസത്തിനിടെ 760 രൂപയുടെ കുറവാണുണ്ടായത്.
രാജ്യത്ത് കോവിഡ് രണ്ടാം തരംഗം രൂക്ഷമായതോടെ മാര്‍ക്കറ്റുകളും നിശ്‌ചലമാവുകയാണ്. നേരത്തെ തന്നെ കടുത്ത പ്രതിസന്ധിയിലായിരുന്ന സമ്പദ് വ്യവസ്‌ഥ കൂടുതല്‍ മോശമായ അവസ്‌ഥയിലേക്ക് നീങ്ങുകയാണെന്നതിന്റെ സൂചനകളാണ് വിവിധ മേഖലകളില്‍ നിന്നും പുറത്തുവരുന്നത്. സ്വര്‍ണവിലയില്‍ തുടര്‍ച്ചയായി രേഖപ്പെടുത്തുന്ന ഇടിവ് ഇതിന്റെ ഉദാഹരണമാണെന്നാണ് വിദഗ്ധര്‍ ചൂണ്ടിക്കാണിക്കുന്നത്.
ഈ ആഴ്‌ചയിലെ ആദ്യ രണ്ട് ദിവസങ്ങളില്‍ വ്യത്യാസമില്ലാതെ തുടര്‍ന്ന സ്വര്‍ണവില കഴിഞ്ഞ ദിവസം 120 രൂപ കുറഞ്ഞിരുന്നു. ഏപ്രില്‍ മാസം തുടക്കത്തില്‍ 33,320 രൂപ ആയിരുന്ന സ്വര്‍ണവില പിന്നീട് ചെറിയ രീതിയില്‍ ഉയര്‍ന്നിരുന്നു. എന്നാല്‍ ഇപ്പോള്‍ വീണ്ടും വില ഇടിയുകയാണ്.
Read Also: 3.75 ലക്ഷം കോടിയുടെ ഓഹരികൾ മടക്കി വാങ്ങാൻ ഒരുങ്ങി ഗൂഗിൾ
