കൊച്ചി: സംസ്ഥാനത്ത് സ്വർണവിലയിൽ വർധന. പവന്റെ വിലയിൽ 240 രൂപയുടെ വർധനവാണ് ഇന്ന് ഉണ്ടായിരിക്കുന്നത്. ഇതോടെ ഒരു പവന്റെ വില 36,880 രൂപയായി. ഗ്രാമിന് 30 രൂപകൂടി 4610 രൂപയുമായി.
36640 രൂപയായിരുന്നു കഴിഞ്ഞ ദിവസത്തെ വില. വ്യാഴാഴ്ച പവന് 80 രൂപയുടെ കുറവാണ് രേഖപ്പെടുത്തിയത്.
അതേസമയം രാജ്യത്തെ കമ്മോഡിറ്റി വിപണിയായ എംസിഎക്സിൽ ഗോൾഡ് ഫ്യൂച്ചേഴ്സ് വില 0.15 ശതമാനം ഉയർന്ന് 49,275 രൂപ നിലവാരത്തിലെത്തി. ആഗോള വിപണിയിൽ സ്പോട് ഗോൾഡ് ഔൺസിന് 1,900 ഡോളർ നിലവാരത്തിൽ തുടരുകയാണ്.
യുഎസിലെ വിലക്കയറ്റ ഭീഷണിയാണ് സ്വർണവിലയെ സ്വാധീനിക്കുന്നത്. കൂടാതെ ഡോളർ ദുർബലമായതും യുഎസിലെ ബോണ്ട് ആദായം കുറഞ്ഞതും സ്വർണം നേട്ടമാക്കി.
Read Also: ഫ്രഞ്ച് ഓപ്പൺ വനിതാ ഫൈനൽ; പവ്ള്യുചെങ്കോവയും ക്രസികോവയും ഏറ്റുമുട്ടും