കൊച്ചി: സംസ്ഥാനത്ത് സ്വർണവിലയിൽ വർധന. പവന് 160 രൂപയും ഗ്രാമിന് 20 രൂപയുമാണ് കൂടിയത്. ഇതോടെ പവന് 36,880 രൂപയും ഗ്രാമിന് 4610 രൂപയുമായി. അതേസമയം ആഗോള വിപണിയിൽ സ്വർണവില അഞ്ച് മാസത്തെ ഉയർന്ന നിലവാരത്തിലെത്തി.
ആഗോള വിപണിയിലെ നേട്ടം രാജ്യത്ത കമ്മോഡിറ്റി വിപണിയിലും പ്രതിഫലിച്ചു. എംസിഎക്സിൽ 10 ഗ്രാം 24 കാരറ്റ് സ്വർണത്തിന് 49,469 രൂപയായി. 0.24 ശതമാനമാണ് വർധന. ഒരു ഔൺസിന് 1,914.26 ഡോളറാണ് വില. വിലക്കയറ്റ ഭീഷണിയും ഡോളർ സൂചികയിലെ തളർച്ചയുമാണ് സ്വർണം നേട്ടമാക്കിയത്.
36,720 രൂപയായിരുന്നു കഴിഞ്ഞ ദിവസത്തെ വില. ഫെബ്രുവരി, മാർച്ച് മാസങ്ങളിൽ വില കുറഞ്ഞ് നിന്ന ശേഷം ഏപ്രിലിൽ സ്വർണ വില ഉയരുകയായിരുന്നു.
മെയ് മാസത്തിലും വില ഉയരുന്ന പ്രവണതയാണ് കണ്ടത്. മാർച്ച് മാസത്തില് 1560 രൂപയും ഫെബ്രുവരിയില് 2640 രൂപയും പവന് കുറഞ്ഞപ്പോൾ ഏപ്രിലിൽ 2760 രൂപ പവന് വർധിച്ചിരുന്നു. കേന്ദ്ര ബജറ്റിന് ശേഷമാണ് രാജ്യത്തെ സ്വർണ വിലയിൽ മാറ്റമുണ്ടായത്. സ്വർണത്തിന്റെ രാജ്യാന്തര വില, ഡോളർ–രൂപ വിനിമയ നിരക്ക്, ഇറക്കുമതി തീരുവ എന്നിവയെ അടിസ്ഥാനമാക്കിയാണ് സംസ്ഥാനത്ത് സ്വർണ വില നിർണയിക്കപ്പെടുന്നത്.
Read Also: ‘ജഗമേ തന്തിരം’ ട്രെയ്ലര് പുറത്തിറങ്ങി; മനസുനിറച്ച് ധനുഷും ജോജുവും