തിരുവനന്തപുരം : നിയമസഭയിലെ കയ്യാങ്കളി കേസ് റദ്ദാക്കണമെന്ന ആവശ്യവുമായി സംസ്ഥാന സര്ക്കാര് ഹൈക്കോടതിയില് സമര്പ്പിച്ച ഹരജി ഇന്ന് പരിഗണിക്കും. ജസ്റ്റിസ് വിജി അരുണ് അധ്യക്ഷനായ ബെഞ്ചാണ് ഹരജി പരിഗണിക്കുന്നത്. എന്നാല് കേസ് റദ്ദാക്കുന്നതിനെ എതിര്ത്ത് പ്രതിപക്ഷ നേതാവ് രമേശ് ചെന്നിത്തല രംഗത്ത് വന്നിരുന്നു. കേസ് പിന്വലിക്കുന്നതിന് എതിരെ അദ്ദേഹവും കേസില് കക്ഷി ചേര്ന്നിട്ടുണ്ട്.
കേസ് റദ്ദാക്കാനുള്ള സര്ക്കാരിന്റെ തീരുമാനത്തിന് പൊതുതാല്പ്പര്യ പ്രസക്തി ഇല്ലെന്നാണ് ചെന്നിത്തലയുടെ ആരോപണം. യുഡിഎഫ് സര്ക്കാരിന്റെ കാലത്തെ ബജറ്റ് അവതരണ വേളയില് നിയമസഭയില് ഉണ്ടായ കയ്യാങ്കളിക്ക് എതിരെ എടുത്തിരിക്കുന്ന കേസാണിത്. കേസ് റദ്ദാക്കണം എന്ന സംസ്ഥാന സര്ക്കാരിന്റെ ആവശ്യം നേരത്തെ വിചാരണ കോടതി തള്ളിയിരുന്നു. തുടര്ന്നാണ് സര്ക്കാര് ഹൈക്കോടതിയെ സമീപിച്ചത്.
Read also : തദ്ദേശ തിരഞ്ഞെടുപ്പ്; ഇത്തവണയും രണ്ട് ഘട്ടങ്ങളില് തന്നെ