തൃശൂര്: കൊടകര കുഴല്പ്പണ കേസില് ബിജെപി സംസ്ഥാന സംഘടനാ ജനറല് സെക്രട്ടറി എം ഗണേഷ് അന്വേഷണ സംഘത്തിന് മുന്നില് ഹാജരായി. ചോദ്യം ചെയ്യലിനായി എത്താന് നേരത്തെ ആവശ്യപ്പെട്ടിരുന്നെങ്കിലും ഗണേഷ് ഹാജരായിരുന്നില്ല.
ബിജെപി സംസ്ഥാന ഓഫീസ് സെക്രട്ടറി ഗിരീഷിനേയും ഇന്ന് ചോദ്യം ചെയ്യാന് വിളിപ്പിച്ചിട്ടുണ്ട്. എന്നാല് അദ്ദേഹം ഹാജരാകില്ലെന്നാണ് വിവരം. കൊടകര കുഴല്പ്പണ കേസിന്റെ അന്വേഷണം ബിജെപിയുടെ ഉന്നത നേതാക്കളിലേക്ക് കൂടി കടന്നിരിക്കുകയാണ്. പ്രതികളടക്കമുള്ളവരുടെ മൊഴികളും മറ്റു തെളിവുകളും ശേഖരിച്ചതിന് ശേഷമാണ് അന്വേഷണം ബിജെപി നേതൃത്വത്തിലേക്ക് കടന്നിരിക്കുന്നത്.
കേസിൽ അന്വേഷണ സംഘം ഇതുവരെ 1.25 കോടി രൂപയോളം കണ്ടെത്തി. ബാക്കി തുക എവിടെയാണെന്ന വിവരം ലഭിച്ചതായാണ് സൂചന. കേസില് 19 പ്രതികളെ അറസ്റ്റ് ചെയ്തിട്ടുണ്ട്. ഇവരില് ചിലര്ക്ക് ജയിലില് കോവിഡ് ബാധിച്ചതിനാല് സുഖപ്പെട്ട ശേഷം ഇവരുമായി തെളിവെടുപ്പ് നടത്തും. അതില് നിന്ന് കൂടുതല് വിവരങ്ങള് കിട്ടുമെന്നാണ് കണക്കാക്കുന്നത്.
Malabar News: വയലുകളിൽ പക്ഷി ശല്യം രൂക്ഷം; പട്ടുവത്ത് കർഷകർ ദുരിതത്തിൽ