തൃശൂർ: കൊടകര കുഴൽപ്പണ കവര്‍ച്ചയില്‍ മൂന്നരക്കോടി രൂപ നഷ്‌ടമായെന്ന് പോലീസ് കണ്ടെത്തൽ. പരാതിക്കാരൻ ആദ്യം പറഞ്ഞത് ഇരുപത്തിയഞ്ചു ലക്ഷം നഷ്‌ടപ്പെട്ടെന്നായിരുന്നു. പിന്നീട്, പ്രതികളെ പിടികൂടി ചോദ്യം ചെയ്‌തപ്പോഴാണ് ഇതിനേക്കാൾ കൂടിയ തുക കാറിലുണ്ടായിരുന്നതായി വ്യക്‌തമായത്.
കുഴൽപ്പണം കൊണ്ടുപോയ കാറിന്റെ ഡ്രൈവറുടെ സഹായിയായിരുന്നു കവർച്ചാ സംഘത്തിന് വിവരങ്ങൾ ചോർത്തി കൊടുത്തത്. പ്രതി ഉൾപ്പെടെ ഒട്ടുമിക്ക ആളുകളേയും പോലീസ് പിടികൂടി. പക്ഷേ, കൂടുതൽ പണം കണ്ടെത്താനായില്ലെന്നാണ് നിഗമനം.
ബിജെപി തിരഞ്ഞെടുപ്പ് പ്രചാരണ ചെലവിലേക്കായി കൊണ്ടുപോയ മൂന്നരക്കോടി രൂപ കൊടകര ദേശീയപാതയിൽ നഷ്‌ടപ്പെട്ടെന്നാണ് പോലീസിന്റെ ഇതുവരെയുള്ള അന്വേഷണത്തിൽ കണ്ടെത്തിയത്. മൂന്നരക്കോടി നഷ്‌ടപ്പെട്ടെങ്കിലും ഇതുവരെ പോലീസ് കണ്ടെത്തിയത് അറുപതു ലക്ഷം രൂപയുടെ ഇടപാടുകളാണ്.
അന്വേഷണ സംഘം പോലീസ് വിപുലപ്പെടുത്തിയിട്ടുണ്ട്. ഡിഐജിയുടെ മേൽനോട്ടത്തില്‍ പ്രത്യേക സംഘത്തെ രൂപീകരിച്ചു. ഇതര സംസ്‌ഥാനത്തേക്ക് കൂടി അന്വേഷണം വ്യാപിപ്പിക്കാനാണ് സംഘത്തിന്റെ തീരുമാനം.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
