കോഴിക്കോട്: കുറ്റ്യാടി നിയോജക മണ്ഡലത്തിലേക്ക് കെപി കുഞ്ഞഹമ്മദ് കുട്ടി മാസ്റ്ററെ സിപിഎം വീണ്ടും പരിഗണിക്കുന്നു. ജയ സാധ്യതയും പാർട്ടി കമ്മിറ്റികളുടെ അഭിപ്രായവും മാനിച്ചാണിത്. സിപിഎമ്മിന്റെ കീഴ്ഘടകങ്ങളിൽ നിന്നും അദ്ദേഹത്തിന് വേണ്ടി ശക്തമായ സമ്മര്ദ്ദവുമുണ്ട്. ഒപ്പം ഡിവൈഎഫ്ഐ സംസ്ഥാന അധ്യക്ഷൻ എഎ റഹീമിന്റെ പേരും മണ്ഡലത്തിൽ പരിഗണിക്കുന്നുണ്ട്.
ഇന്ന് രാവിലെ ചേരുന്ന ജില്ലാ സെക്രട്ടേറിയറ്റ് യോഗം അന്തിമ നിർദ്ദേശം സംസ്ഥാന നേതൃത്വത്തെ അറിയിക്കും. രാവിലെ 10ന് കോഴിക്കോട്ടാണ് യോഗം. വൈകീട്ട് ആയഞ്ചേരിയിൽ എൽഡിഎഫ് മണ്ഡലം കൺവെൻഷൻ നടക്കും. ഇതിന് മുൻപായി സ്ഥാനാർഥി പ്രഖ്യാപനം ഉണ്ടാകും. നേരത്തെ സീറ്റ് കേരളാ കോൺഗ്രസ് എമ്മിന് നൽകുന്നതിനെ വൻ പ്രതിഷേധം ഉയർന്നിരുന്നു. പിന്നീടാണ് സീറ്റ് പാർട്ടി ഏറ്റെടുത്തത്.
Read Also: രാജി തീരുമാനത്തിൽ നിന്ന് പിന്നോട്ടില്ല, തന്റെ പേര് വെട്ടിയത് ചെന്നിത്തല; രമണി പി നായർ