തൃശൂര്: കുന്നംകുളത്തെ ബസ് ടെര്മിനല് കം ഷോപ്പിംഗ് കോംപ്ലെക്സിന്റെ നിര്മ്മാണ പ്രവര്ത്തനങ്ങള് അവസാനഘട്ടത്തിലേക്ക്. നിര്മ്മാണം പൂര്ത്തിയായിക്കൊണ്ടിരിക്കുന്ന ടെര്മിനല് മുഖ്യമന്ത്രി പിണറായി വിജയന് ഈ മാസം 14ന് പൊതുജനത്തിന് കൈമാറും. നഗരത്തിലെ ഗതാഗതകുരുക്കിന് പരിഹാരം കാണുകയെന്ന ലക്ഷ്യത്തോടെയാണ് പുതിയ ടെര്മിനല് നിര്മ്മിച്ചിരിക്കുന്നത്.
Read also: കെ.എസ്.ആര്.ടി.സി ബസ് യാത്രകളും ഇനി ആപ്ലിക്കേഷനൊടൊപ്പം
മന്ത്രി എ.സി മൊയ്തീന്റെ ആസ്തിവികസന ഫണ്ടില് നിന്ന് 4.35 കോടി രൂപ ചിലവഴിച്ചാണ് നിര്മ്മാണം പൂര്ത്തിയാക്കിയത്. ഇതുകൂടാതെ നഗരസഭ വായ്പയെടുത്ത എട്ടര കോടി രൂപയും നിര്മ്മാണ പ്രവര്ത്തങ്ങള്ക്കായി ചിലവഴിച്ചിട്ടുണ്ട്. രണ്ട് ഘട്ടങ്ങളിലായാണ് ടെര്മിനല് നിര്മ്മാണം പൂര്ത്തിയാക്കിയത്.