പാലക്കാട്: കാട്ടാനയുടെ തുമ്പികൈ കമ്പിവേലിയിൽ കുടുങ്ങി. അട്ടപ്പാടി ചിണ്ടക്കി കെട്ടിലാണ് അപകടം ഉണ്ടായത്. തള്ളയാനയ്‌ക്കൊപ്പം എത്തിയ രണ്ട് വയസ് പ്രായം വരുന്ന കുട്ടിയാനയുടെ തുമ്പിക്കൈ ആണ് കമ്പിവേലിയിൽ കുടുങ്ങിയത്. തുടർന്ന്, വനംവകുപ്പ് അധികൃതർ എത്തി ഏറെ നേരത്തെ പരിശ്രമത്തിനൊടുവിൽ കമ്പി മുറിച്ച് ആനയെ രക്ഷപ്പെടുത്തി.
രക്ഷാപ്രവർത്തനത്തിനായി വനംവകുപ്പ് ഉദ്യോഗസ്‌ഥർ എത്തിയതോടെ തള്ളയാന അവരെ തുരത്തിയിരുന്നു. കുട്ടിയാനയുടെ അടുത്തേക്ക് വനംവകുപ്പ് ഉദ്യോഗസ്‌ഥരെ അടുക്കാനും സമ്മതിച്ചില്ല. തുടർന്ന്, മണിക്കൂറുകൾ എടുത്ത് തള്ളയാനയെ കാട്ടിലേക്ക് കയറ്റിയതിന് ശേഷമാണ് കുട്ടിയാനയെ രക്ഷിച്ചത്. അതേസമയം, കമ്പി തുമ്പിക്കയ്യിൽ കുടുങ്ങി കിടക്കുന്നുണ്ടെന്ന സംശയം നിലനിൽക്കുന്നതിനാൽ വനംവകുപ്പ് ഉദ്യോഗസ്‌ഥർ ആനയെ നിരീക്ഷിച്ച് വരികയാണ്.
Most Read: സംസ്‌ഥാനത്ത് മദ്യവിൽപന കുറഞ്ഞു, കൊച്ചി മെട്രോ നഷ്‌ടത്തിൽ; സർക്കാർ നിയമസഭയിൽ
