കുവൈറ്റ് : പ്രതിദിന യാത്രക്കാരുടെ എണ്ണം 5,000 ആയി ഉയർത്തി കുവൈറ്റ് അന്താരാഷ്‌ട്ര വിമാനത്താവളം. ഇത് സംബന്ധിച്ച വ്യോമയാന വകുപ്പിന്റെ സർക്കുലർ നിലവിൽ പ്രാബല്യത്തിലുണ്ട്. ഇതുവരെ 3,500 യാത്രക്കാർക്ക് മാത്രമാണ് പ്രതിദിനം യാത്രാനുമതി നൽകിയിരുന്നത്. കൂടാതെ പ്രതിദിനം 67 വിമാനങ്ങൾക്ക് സർവീസ് നടത്താനുള്ള അനുമതിയും നൽകിയതായി വ്യോമയാന വകുപ്പ് മേധാവി യൂസുഫ് അല്‍ ഫൗസാന്‍ വ്യക്‌തമാക്കി.
അതേസമയം രാജ്യത്ത് ഓഗസ്‌റ്റ് ഒന്നാം തീയതി മുതൽ വിദേശികൾക്ക് പ്രവേശനം അനുവദിക്കും. സാധുവായ ഇഖാമ ഉള്ള ആളുകൾക്കും, കുവൈറ്റ് ഭരണകൂടം അനുമതി നൽകിയ കോവിഡ് വാക്‌സിന്റെ രണ്ട് ഡോസും സ്വീകരിച്ച ആളുകൾക്കുമാണ് പ്രവേശനം അനുവദിക്കുക.
Read also : എസ്‌സി, എസ്‌ടി ഫണ്ട് തട്ടിപ്പ്; പ്രതികളിൽ ഒരാൾ കീഴടങ്ങി; രണ്ട് പേർ ഇപ്പോഴും ഒളിവിൽ
