കൊച്ചി: എറണാകുളം പറവൂർ തത്തപ്പള്ളിയിലെ പ്ളാസ്‌റ്റിക് കമ്പനിയിൽ വൻ തീപിടുത്തം. സർക്കാർ ഹൈസ്‌കൂളിന് സമീപമുള്ള അന്നാപ്ളാസ്‌റ്റിക് കമ്പനിയിലാണ് തീപിടുത്തമുണ്ടായത്.
പറവൂർ ഫയർ സ്‌റ്റേഷനിൽ നിന്നുള്ള സംഘവും നാട്ടുകാരും ചേർന്ന് തീ അണക്കാനുള്ള ശ്രമങ്ങൾ തുടരുകയാണ്. സംഭവത്തിൽ ആർക്കും പരുക്കേറ്റിട്ടില്ലെന്ന് പോലീസ് അറിയിച്ചു. പ്ളാസ്‌റ്റിക് സൂക്ഷിച്ചിരുന്ന കെട്ടിടം പൂർണമായും കത്തി നശിച്ചു. സമീപത്തെ വീടുകളിലേക്ക് തീ പടരുന്നത് ഒഴിവാക്കാനാണ് ശ്രമം.
രാവിലെ 11.30ഓടെ പ്ളാസ്‌റ്റിക് മാലിന്യം കൂട്ടിയിട്ടിരുന്ന ഗോഡൗണിൽ തീപിടിക്കുകയായിരുന്നു. ജനവാസമുള്ള പ്രദേശത്തിന് സമീപമാണ് ഗോഡൗൺ പ്രവർത്തിച്ചിരുന്നത്. വെൽഡിങ് ജോലി പുരോഗമിക്കുന്നതിനിടെയാണ് തീപിടുത്തമുണ്ടായത്. അപകട സാധ്യത മുന്നിൽകണ്ട് സമീപ പ്രദേശത്ത് നിന്ന് ആളുകളെ ഒഴിപ്പിച്ചിട്ടുണ്ട്.
Also Read: ശബരിമലയിൽ സാധങ്ങൾ വാങ്ങിയതിൽ ക്രമക്കേട്; മുൻ ദേവസ്വം സെക്രട്ടറിയുടെ പെൻഷൻ തടഞ്ഞു
