കൊച്ചി: എൻഫോഴ്‌സ്‌മെന്റ് അന്വേഷണം ചോദ്യം ചെയ്ത് ഹൈക്കോടതിയിൽ ഹരജി സമർപ്പിച്ച് ലാവ്‌ലിൻ കമ്പനി.
വിവാദമായ ലാവ്‌ലിൻ കരാർ സംബന്ധിച്ച കള്ളപ്പണം വെളുപ്പിക്കലുമായി ബന്ധപ്പെട്ടാണ് അന്വേഷണം നടക്കുന്നത്. ഇതിൽ തങ്ങൾക്ക് എൻഫോഴ്‌സ്‌മെന്റ് ഡയറക്‌ടറേറ്റ് നോട്ടീസ് അയച്ചിട്ടുണ്ടെന്ന് ലാവ്‌ലിൻ കമ്പനി ഹരജിയിൽ പറയുന്നു.
കൂടാതെ സിബിഐ 2009ൽ സമർപ്പിച്ച കുറ്റപത്രത്തിൽ തങ്ങൾ പ്രതികളല്ലെന്നും കള്ളപ്പണം സംബന്ധിച്ച പിഎംഎൽഎ നിയമം നിലവിൽ വരുന്നതിന് മുൻപാണ് കരാർ ഒപ്പുവെച്ചതെന്നും കമ്പനി ഹരജിയിൽ വ്യക്‌തമാക്കുന്നു. നിയമം നിലവിൽ വരുന്നതിന് മുൻപുള്ള കരാർ അന്വേഷിക്കാനാവില്ലെന്നും കമ്പനി വാദിക്കുന്നു.
Read Also: വാക്‌സിൻ ചലഞ്ച് ഏറ്റെടുത്ത് ഗോപി സുന്ദറും; ഇതുവരെ ദുരിതാശ്വാസ നിധിയിലെത്തിയത് ഒരു കോടിയിലധികം
