തിരുവനന്തപുരം : ഇടുക്കി ജില്ലയിലെ ഉടുമ്പൻചോലയിൽ ഇടത് സ്ഥാനാർഥി എംഎം മണി തന്റെ വിജയകുതിപ്പ് തുടരുകയാണ്. നിലവിൽ 38,000 കടന്നിരിക്കുകയാണ് എംഎം മണിയുടെ ലീഡ് നില. 38,305 വോട്ടുകളുടെ മുന്നേറ്റമാണ് നിലവിൽ എംഎം മണി കാഴ്ച വെക്കുന്നത്.
സംസ്ഥാനത്ത് ഇതുവരെയുള്ള കണക്കുകൾ പ്രകാരം ഏറ്റവും കൂടുതൽ ലീഡ് നില നേടി മുന്നേറുന്നത് എംഎം മണിയാണ്. കഴിഞ്ഞ തിരഞ്ഞെടുപ്പിൽ അദ്ദേഹം നേടിയ വോട്ടുകളേക്കാൾ ഏറെ മുന്നിലാണ് ഇത്തവണത്തെ ജനവിധി.
സംസ്ഥാനത്ത് ഇടത് മുന്നണിയുടെ വിജയത്തേരോട്ടം തുടരുകയാണ്. തുടർഭരണം ഉറപ്പായ എൽഡിഎഫ് ഇത്തവണ നേടിയത് ചരിത്ര വിജയമാണെന്ന് നിസംശയം പറയാം. ഏകദേശം 40 വർഷങ്ങൾക്ക് ശേഷമാണ് ഒരു രാഷ്ട്രീയ പാർട്ടി സംസ്ഥാനത്ത് തുടർഭരണമെന്ന നേട്ടം സ്വന്തമാക്കാൻ ഒരുങ്ങുന്നത്.
Read also : ‘സഖാക്കളേ സുഹൃത്തുകളെ ലാല്സലാം’; കേരളത്തിന് നന്ദി പറഞ്ഞ് സീതാറാം യെച്ചൂരി